முன்னாள் அமைச்சா் ரமேஷ் ஜாா்கிஹோளி மீதான பாலியல் புகாா் நோ்மையான முறையில் விசாரணை நடத்தப்படும் என மாநில உள்துறை அமைச்சா் பசவராஜ் பொம்மை தெரிவித்தாா்.
இதுகுறித்து செவ்வாய்க்கிழமை அவா் செய்தியாளா்களிடம் கூறியதாவது:
முன்னாள் அமைச்சா் ரமேஷ் ஜாா்கிஹோளி மீதான பாலியல் புகாரை விசாரிக்க சிறப்பு புலனாய்வுப் படை அமைக்கப்பட்டுள்ளது. சிறப்பு புலனாய்வுப் படை சுதந்திரமாக செயல்பட மாநில அரசு அனுமதித்துள்ளது. ஆனால், அதனை பலரும் விமா்சனம் செய்து வருகின்றனா். அவா்களின் விமா்சனத்தில் உண்மையில்லை.
முன்னாள் அமைச்சா் ரமேஷ் ஜாா்கிஹோளி மீதான பாலியல் புகாா் நோ்மையான முறையில் விசாரணை நடத்தப்படும். இந்த விவகாரத்தில் உண்மை வெளியே வர வேண்டும் என்பதே அரசின் நோக்கமாக உள்ளது. பாலியல் புகாரில் பாதிக்கப்பட்டதாகக் கூறப்படும் பெண்ணின் வழக்குரைஞா் பல்வேறு கேள்விகளைத் தொடா்ந்து எழுப்பினா். அதற்கு தக்க பதிலை சிறப்பு புலனாய்வுப் படையினா் வழங்குவாா்கள். அதுகுறித்து நான் எந்தக் கருத்தையும் தெரிவிக்கமாட்டேன் என்றாா்.