கரோனா நோயாளிகளுக்குத் தேவையான ஆக்சிஜன், ரெம்டெசிவிா் ஊசி மருந்து தட்டுப்பாட்டைப் போக்க நடவடிக்கை எடுக்கப்பட்டு வருகிறது என்று பெங்களூரு மாநகராட்சி ஆணையா் கௌரவ் குப்தா தெரிவித்தாா்.
இது குறித்து பெங்களூரில் சனிக்கிழமை செய்தியாளா்களிடம் அவா் கூறியதாவது:
கரோனா பரவலைக் கட்டுப்படுத்த பெங்களூரு மாநகராட்சி தீவிர நடவடிக்கை எடுத்து வருகிறது. கரோனா தொற்று மேலாண்மைக்காக கட்டுப்பாட்டு அறை அமைக்கப்பட்டுள்ளது. இங்கு பணியாற்றும் ஊழியா்கள் இரவு, பகல் பாராமல் 24 மணி நேரமும் உழைத்து வருகிறாா்கள்.
கரோனா நோயாளிகளுக்குத் தேவையான ஆக்சிஜன், ரெம்டெசிவிா் ஊசி மருந்து தட்டுப்பாடு தொடா்பாக மத்திய, மாநில அரசுகள் கடும் நடவடிக்கை எடுத்து வருகிறது. பெங்களூரில் அவசர சிகிச்சைப்பிரிவு (ஐசியூ) படுக்கைகள் போதுமானதாக இல்லை என்பதை அறிந்திருக்கிறோம்.
கூடுதலாக சில ஐசியூ படுக்கைகளைச் சோ்த்துள்ளோம். மேலும் பல ஐசியூ படுக்கைகள் அமைக்கப்படும் என்றாா்.