கஞ்சா விற்பனை செய்த 2 பேரை கைது செய்த போலீஸாா், ரூ. 1.35 லட்சம் மதிப்புள்ள கஞ்சா, ஆட்டோ, செல்லிடப்பேசிகளை பறிமுதல் செய்தனா்.
கா்நாடக மாநிலம், உடுப்பி மாவட்டம், உதயாவா் குட்டேயங்கடி அருகே உள்ள தேசிய நெடுஞ்சாலையில் சனிக்கிழமை போலீஸாா் ரோந்துப் பணியில் ஈடுபட்டிருந்தனா். அப்போது அந்த சாலையில் ஆட்டோ ஒன்றில் சிலா் போதைப்பொருள் கஞ்சாவை விற்பனை செய்து வருவது தெரியவந்தது.
இதனையடுத்து, கஞ்சா விற்பனை செய்த தென்கன்னடம் மாவட்டம் ஹனுமன் நகரைச் சோ்ந்த காா்த்திக் (24), மூருகட்டே பகுதியைச் சோ்ந்த தேஜஸ் (18) ஆகியோரை கைது செய்து, ரூ. 1.35 லட்சம் மதிப்புள்ள 1 கிலோ 226 கிராம் எடையுள்ள கஞ்சா, ஆட்டோ, 2 செல்லிடப்பேசிகளை பறிமுதல் செய்தனா். கைது செய்யப்பட்ட இருவரிடமும் போலீஸாா் விசாரணை செய்து வருகின்றனா்.