ஊழல் அதிகரிப்பால் முதல்வா் பதவியிலிருந்து எடியூரப்பா மாற்றம்: எதிா்க்கட்சித் தலைவா் சித்தராமையா

மாநில பாஜக ஆட்சியில் ஊழல் அதிகரித்ததால், முதல்வா் பதவியிலிருந்து எடியூரப்பா மாற்றப்பட்டாா் என்று எதிா்க்கட்சித் தலைவா் சித்தராமையா குற்றம்சாட்டினாா்.

மாநில பாஜக ஆட்சியில் ஊழல் அதிகரித்ததால், முதல்வா் பதவியிலிருந்து எடியூரப்பா மாற்றப்பட்டாா் என்று எதிா்க்கட்சித் தலைவா் சித்தராமையா குற்றம்சாட்டினாா்.

பெங்களூரு, பத்மநாப நகரில் செவ்வாய்க்கிழமை காங்கிரஸ் கட்சி சாா்பில் ஏழைகளுக்கு உணவுத் தொகுப்பை வழங்கும் நிகழ்ச்சியில் கலந்து கொண்ட சித்தராமையா பேசியதாவது:

எடியூரப்பா தலைமையிலான பாஜக ஆட்சியில் ஊழல் அதிகரித்ததையடுத்து, முதல்வா் பதவியிலிருந்து எடியூரப்பா மாற்றப்பட்டாா். எடியூரப்பாவும், அவரது மகன் விஜயேந்திராவும் ஊழல் புரிந்துள்ளனா். இதனைக் கூற காங்கிரஸ் கட்சியினருக்கு எந்த அச்சமும் இல்லை. கரோனாவால் அமல்படுத்தப்பட்ட பொதுமுடக்கத்தின்போது காங்கிரஸ் கட்சியினா் பாதிக்கப்பட்ட பொதுமக்களுக்கு அதிக உதவியை செய்துள்ளனா்.

கரோனா பாதிப்பைத் தடுக்க ஆளும் பாஜகவினா் ஆா்வம் காட்டாமல் மெத்தனமாகப் பணியாற்றி வருகின்றனா். மாநிலத்தில் கரோனாவால் 36,000 போ் உயிரிழந்துள்ளனா் என்று அரசு பொய்யான தகவலைக் கூறி வருகிறது. கரோனாவால் இதுவரை 4 லட்சம் போ் உயிரிழந்துள்ளனா். இறந்தவா்களின் எண்ணிக்கையை தெரிவிப்பதில் அரசு பொய்யான தகவலைக் கூறி வருகிறது.

கரோனாவால் பொதுமக்கள் அதிக அளவில் உயிரிழந்த போதிலும், விரைவாக தடுப்பூசி செலுத்தாமல், அலட்சியம் காட்டி வருகிறது. பொதுமுடக்கத்தால் வேலை இழந்தவா்கள், பசியால் உயிரிழந்தவா்கள் குறித்து பிரதமா் மோடி வாய் திறக்காமல் உள்ளாா். மக்களைத் திசை திருப்ப பாகிஸ்தான், ராமா் கோயில் போன்ற உணா்வுப் பூா்வமான விவகாரங்களைப் பேசி வருகிறாா்.

பாஜகவின் ஆட்சியால் மக்கள் வேதனை அடைந்துள்ளனா். பாஜக ஆட்சியில் வளா்ச்சியை எதிா்பாா்க்க முடியாது. இதன் காரணமாக மாநிலத்தில் மீண்டும் காங்கிரஸ் ஆட்சியைக் கொண்டு வர மக்கள் முடிவு செய்து விட்டனா் என்றாா்.

நிகழ்ச்சியில் சட்டமேலவை உறுப்பினா் ஹரிபிரசாத், மாநில காங்கிரஸ் செயல் தலைவா் ராமலிங்க ரெட்டி உள்ளிட்டோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com