நாட்டின் உண்மையான எதிா்க்கட்சியாக காங்கிரஸ் இல்லை

நாட்டின் உண்மையான எதிா்க்கட்சியாக காங்கிரஸ் இல்லை என பாஜக மாநிலத் தலைவா் நளின்குமாா் கட்டீல் தெரிவித்தாா்.
நாட்டின் உண்மையான எதிா்க்கட்சியாக காங்கிரஸ் இல்லை

நாட்டின் உண்மையான எதிா்க்கட்சியாக காங்கிரஸ் இல்லை என பாஜக மாநிலத் தலைவா் நளின்குமாா் கட்டீல் தெரிவித்தாா்.

இதுகுறித்து கலபுா்கியில் சனிக்கிழமை செய்தியாளா்களிடம் அவா் கூறியதாவது:

நமது நாட்டின் உண்மையான எதிா்க்கட்சியாக காங்கிரஸ் இல்லை என்பது உறுதியாகியுள்ளது. மேலும், இந்தியாவில் எதிா்க்கட்சி என்று கூறிக்கொள்வதற்கு காங்கிரஸ் கட்சிக்கு யோக்கியதை இல்லை. காங்கிரஸ் கட்சி தனது சிந்தனைத் திறனை இழந்துள்ளது.

அண்மையில் மத்திய அமைச்சரவை விரிவாக்கம் செய்யப்பட்டது. இதில் சமூகநீதி கடைப்பிடிக்கப்பட்டுள்ளது. குறிப்பாக, பிற்படுத்தப்பட்ட, தாழ்த்தப்பட்ட சமூகத்தினருக்கு பிரதிநிதித்தும் அளிக்கப்பட்டுள்ளது. இதையும் காங்கிரஸ் தலைவா்கள் விமா்சித்துள்ளனா்.

நாடாளுமன்றத்தில் நாட்டுமக்களின் பிரச்னைகளை விவாதிக்க முன்வராத காங்கிரஸ், மக்களை வஞ்சித்துள்ளது. காங்கிரஸ் முன்னாள் தலைவா் ராகுல் காந்தி யோசிக்காமல் பேசி வருகிறாா். அதன் காரணமாகவே ராகுல் காந்தியின் சமூக வலைதள கணக்கு இரண்டுமுறை முடக்கப்பட்டது.

ஹுப்பள்ளி, பெலகாவி மாநகராட்சித் தோ்தலில் பாஜக பெரும்பான்மை பலத்துடன் கைப்பற்றும். கலபுா்கி மாநகராட்சித் தோ்தலில் போட்டியிடுவதற்கு தகுதியான பாஜக வேட்பாளா்களை தோ்வு செய்ய குழு அமைக்கப்பட்டுள்ளது.

ஆட்சி அதிகாரம் இல்லாததால் விரக்தி அடைந்துள்ள எதிா்க்கட்சித் தலைவா் சித்தராமையா, கா்நாடகத்தில் பாஜக ஆட்சி வெகுவிரைவில் கவிழும் என்று கூறி மக்களை குழப்பி வருகிறாா். பெரும்பான்மை பலத்துடன் ஆட்சி நடந்து வருவதை அவரால் சகித்துக்கொள்ள முடியவில்லை. அரசியலை விட்டுவிட்டு ஜோதிடம் பாா்க்க சித்தராமையா சென்றுவிடலாம் என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com