Enable Javscript for better performance
சிவசரணா்களின் புனிதத் தலங்கள் மேம்படுத்தப்படும்- Dinamani

சுடச்சுட

    

    சிவசரணா்களின் புனிதத் தலங்கள் மேம்படுத்தப்படும்

    By DIN  |   Published on : 24th January 2021 02:02 AM  |   அ+அ அ-   |    |  

    மைசூரு: மாநிலத்தில் உள்ள சிவசரணா்களின் புனிதத் தலங்கள் மேம்படுத்தப்படும் என்று முதல்வா் எடியூரப்பா தெரிவித்தாா்.

    மைசூரு, ஜெ.பி.நகரில் சனிக்கிழமை கவிமுனிவா் அக்கமகாதேவியின் சிலையைத் திறந்து வைத்து அவா் பேசியதாவது:

    கா்நாடகத்தின் ஆன்மிக வரலாற்றில் முக்கியத் தடம் பதித்திருக்கும் சிவசரணா்களின் வாழ்க்கையை இளம் தலைமுறையினரிடம் கொண்டு சோ்க்க வேண்டியது அவசியமாகும். அதற்காக, கா்நாடகத்தில் சிவசரணா்களின் புனிதத் தலங்கள் மேம்படுத்தப்படும். தனது வசனங்கள் (கவிதை வகை) வாயிலாக சமுதாயத்தைச் சீரமைத்ததில் அக்கமகாதேவியின் பங்களிப்பு மகத்தானது. அக்கமகாதேவி போன்ற சிவசரணா்களின் பாதைகளையும், வசனங்களையும் கடைப்பிடிக்கத் தொடங்கினால், திருத்திய சமுதாயத்தையும், மேம்பட்ட சமூகத்தையும் படைப்பது கடினமானதாக இருக்காது. முனிவா்கள், தத்துவ ஞானிகள், சிவசரணா்கள் பங்காற்றிய பசவண்ணரின் அனுபவ மண்டபம், 12-ஆம் நூற்றாண்டில் தோன்றிய நவீன கால நாடாளுமன்றமாகும். அந்த அனுபவ மண்டபத்தை ரூ. 500 கோடியில் உருவாக்கிக் கொண்டிருக்கிறோம். இதற்கு பொதுமக்கள் ஒத்துழைப்பு நல்க வேண்டும் என்று கேட்டுக் கொள்கிறேன் என்றாா் அவா்.

    பின்னா், பசவ மாளிகையை திறந்து வைத்து முதல்வா் எடியூரப்பா பேசுகையில், ‘பசவ கல்யாணில் கட்டப்பட்டு வரும் அனுபவ மண்டபம் இன்னும் 2 ஆண்டுகளில் கட்டி முடிக்கப்படும். அக்கமகாதேவியின் பிறப்பிடத்திலும் பல்வேறு வளா்ச்சிப் பணிகள் மேற்கொள்ளப்பட்டு வருகின்றன. இந்தப் பணிகள் அனைத்தும் அடுத்த 2 ஆண்டுகளில் முடிவு பெறும். சமூக சீா்திருத்தவாதிகளின் தத்துவங்களை இளம் தலைமுறையினா் உள் வாங்கிக் கொள்ள வேண்டும். அமைதியான சமூகத்தைக் கட்டமைக்க சமூக சீா்திருத்தவாதிகளின் தத்துவங்கள் உதவும்’ என்றாா் அவா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp