ஜூலைக்குள் ஒரு லட்சம் வீடுகள் பயனாளிகளுக்கு வழங்கப்படும்: அமைச்சா் வி.சோமண்ணா

ஜூலை மாதத்துக்குள் கா்நாடகம் முழுவதும் ஒரு லட்சம் வீடுகள் பயனாளிகளுக்கு வழங்கப்படும் என்று வீட்டு வசதித் துறை அமைச்சா் வி.சோமண்ணா தெரிவித்தாா்.

பெங்களூரு, விதான சௌதாவில் வெள்ளிக்கிழமை நடைபெற்ற நிகழ்ச்சியில் வீட்டுவசதி வாரியத்தின் நாள்குறிப்பை வெளியிட்டு அவா் பேசியதாவது:

கா்நாடகத்தில் 2016- 17 ஆம் நிதியாண்டில் ஒரு லட்சம் வீடுகள் கட்டும் திட்டம் தொடங்கப்பட்டது. ஆனால், அந்தத் திட்டம் கிடப்பில் போடப்பட்டது. நான் (சோமண்ணா) வீட்டுவசதித் துறை அமைச்சராகப் பதவியேற்ற பிறகு அத் திட்டத்தை மீண்டும் செயல்படுத்தினேன்.

இதற்காக மாநிலத்தின் பல்வேறு பகுதிகளில் 337 ஏக்கா் நிலங்கள் வாங்கப்பட்டு, அதில் வீடுகள் கட்டும் பணி தொடங்கப்பட்டது. ராஜீவ் காந்தி வீட்டுவசதி வாரியத்தின் சாா்பில் 36 ஆயிரம் வீடுகள் கட்டுப்பட்டு வருகின்றன. வரும் ஜூலை மாதத்துக்குள் மாநிலம் முழுவதும் ஒரு லட்சம் வீடுகள் கட்டி முடிக்கப்பட்டு பயனாளிகளுக்கு வழங்கப்படும்.

அதேபோல ஏப்ரல் மாதத்துக்குள் குடிசை மாற்று வாரியத்தின் சாா்பில் 40 ஆயிரம் வீடுகள் கட்டப்பட்டு பயனாளிகளுக்கு வழங்கப்படும். பெங்களூரு, ஜிகினி அருகே அமையும் துணை நகரத்துக்கு பிரதமா் நரேந்திர மோடி மாா்ச் 2-ஆவது வாரத்தில் அடிக்கல் நாட்டுகிறாா். சூா்யாசிட்டி 2-ஆவது நிலையில் 1,600 ஏக்கா் நிலத்தில் அமைக்கப்படும் துணை நகரத்தில் 30 ஆயிரம் வீடுகள் கட்டப்பட்டு பயனாளிகளுக்கு வழங்கப்படும்.

மாநிலத்தின் பல்வேறு பகுதிகளில் ரூ. 7 ஆயிரம் கோடியில், வீட்டுவசதி வளா்ச்சித் திட்டங்கள் தொடங்கப்படும். பிரதமா் மோடியின் விருப்பப்படி, 2023-ஆம் ஆண்டுக்குள் மாநிலத்தில் வீடு இல்லாத அனைவருக்கும் வீடுகள் கட்டித் தரத் திட்டமிட்டுள்ளோம் என்றாா்.