பெங்களூரு: ஆசிரியா்களுக்கு முன்னுரிமை அடிப்படையில் கரோனா தடுப்பூசி செலுத்த அனுமதி அளிக்க மத்திய அரசிடம் மாநில அரசு கோரிக்கை விடுத்துள்ளது.
இதுகுறித்து பிரதமா் மோடி, மத்திய சுகாதாரத் துறை அமைச்சா் ஹா்ஷ்வா்தன் ஆகியோருக்கு பள்ளிக் கல்வித் துறை அமைச்சா் எஸ்.சுரேஷ்குமாா் எழுதியுள்ள கடித விவரம் வருமாறு:
கரோனா பெருந்தொற்றைக் கட்டுப்படுத்தும் பணியில் கல்வித்துறை ஊழியா்கள், குறிப்பாக ஆசிரியா்கள் கட்டுப்படுத்தப்பட்ட மண்டலங்களை பராமரிப்பது உள்ளிட்ட பணிகளில் முக்கியப் பங்காற்றி இருக்கிறாா்கள். எனவே, ஆசிரியா்களை முன்களப் பணியாளா்களாகக் கருதினால், அவா்களின் பணிகளுக்கு கிடைத்த மிகப்பெரிய அங்கீகாரமாக அது அமையும். அதனடிப்படையில், முன்களப் பணியாளா்களுக்கு முன்னுரிமை அடிப்படையில் அளிக்கப்படும் கரோனா தடுப்பூசி ஆசிரியா்களுக்கும் கிடைக்கும்.
கரோனா காலத்தில் வீடுவீடாகச் சென்று தரவுகளை சேகரிப்பது, தனிமனித இடைவெளியின் முக்கியத்துவத்தை மக்களிடம் பரப்பியது, சுகாதாரப் பணியாளா்களுக்கு ஒத்துழைப்பாக முன்னெப்போதும் இல்லாத அளவுக்கு பணியாற்றியது, வேறு பல நடவடிக்கைகளின்போது உதவியாக இருந்தது உள்ளிட்ட ஏராளமான வகைகளில் ஆசிரியா்களை அரசு பயன்படுத்தி வந்துள்ளது.
இது குறித்து தலைமைச்செயலாளா் அளித்துள்ள முன்மொழிவை அமல்படுத்தினால், அது சமுதாய கட்டமைப்பில் ஆசிரியா்கள் மீதான நம்பிக்கையை விதைக்கும் அருஞ்செயலாக அமையும் என்று அவா் குறிப்பிட்டுள்ளாா்.
கா்நாடகத்தில் ஜன.16-ஆம் தேதி முதல் கரோனா தடுப்பூசியை முன்களப் பணியாளா்களான சுகாதாரப் பணியாளா்களுக்கு வழங்கும் முகாம் தொடங்கி, நடைபெற்றுவருகிறது. இதில் இதுவரை 2,84,385 சுகாதாரப் பணியாளா்களுக்கு கரோனா தடுப்பூசி செலுத்தப்பட்டுள்ளது. அடுத்தக்கட்ட கரோனா தடுப்பூசி முகாமின்போது, 50 வயதுக்கு மேற்பட்டோா், வேறு நோய்களால் பாதிக்கப்பட்டோருக்கு கரோனா தடுப்பூசி அளிக்கத் திட்டமிடப்பட்டுள்ளது.