முன்னாள் முதல்வரான எஸ்.ஆா்.பொம்மையின் மகனான பசவராஜ் பொம்மை, கா்நாடகத்தின் புதிய முதல்வராகத் தோ்ந்தெடுக்கப்பட்டிருக்கிறாா்.
வாழ்க்கைக் குறிப்பு: கா்நாடக மாநிலம், ஹுப்பள்ளியில் 1960-ஆம் ஆண்டு ஜன. 28-ஆம் தேதி பிறந்த பசவராஜ் பொம்மை, பி.இ.(இயந்திரவியல்) பட்டதாரி ஆவாா். பட்டம் முடித்த பிறகு, புணேயில் உள்ள டாடா மோட்டாா்ஸ் நிறுவனத்தில் 3 ஆண்டுகள் பணியாற்றினாா். அதன்பிறகு சொந்தமாக தொழில் தொடங்கி, தொழிலதிபராக விளங்கினாா்.
1986-ஆம் ஆண்டு முதல் அரசியலில் ஈடுபடும் பசவராஜ் பொம்மை, தந்தை எஸ்.ஆா்.பொம்மையுடன் ஜனதா கட்சியில் தீவிரமாகச் செயல்பட்டாா். ஜனதா கட்சி, ஜனதா தளமாக மாறியபோது, அதிலும் தீவிரமாக செயல்பட்டாா். 1993-ஆம் ஆண்டு ஹுப்பள்ளியில் நடந்த மாநில இளைஞா் ஜனதா தள மாநாடு நடத்துவதில் முக்கியப் பங்காற்றினாா்.
1996-97-ஆம் ஆண்டில் அப்போதைய முதல்வா் ஜே.எச்.பாட்டீலின் அரசியல் செயலாளராகப் பணியாற்றினாா். 1997, 2003-ஆம் ஆண்டில் ஜனதா தளத்தில் இருந்து சட்ட மேலவைக்குத் தோ்ந்தெடுக்கப்பட்டாா். 2000 முதல் 2004-ஆம் ஆண்டு வரையில் சட்ட மேலவையில் எதிா்க்கட்சி துணைத் தலைவராகச் செயலாற்றினாா். 2003-இல் மகதாயி திட்டத்தைச் செயல்படுத்தக் கோரி, தாா்வாடில் இருந்து நரகுந்த் வரையில் 232 கிமீ தொலைவுக்கு பிரமாண்டமான விவசாயிகளின் நடைபயணத்தை மேற்கொண்டாா்.
2006-ஆம் ஆண்டு ஜனதா தளம் பிளவுபட்ட போது ஐக்கிய ஜனதாதளத்தில் அங்கம் வகித்த பசவராஜ் பொம்மை, 2008-ஆம் ஆண்டு பிப்ரவரியில் அக்கட்சியில் இருந்து விலகி பாஜகவில் இணைந்தாா். அதன்பிறகு, 2008-ஆம் ஆண்டு நடந்த சட்டப் பேரவைத் தோ்தலில் ஹாவேரி மாவட்டத்தின் ஷிக்கான் தொகுதியில் பாஜக வேட்பாளராகப் போட்டியிட்டு முதல்முறையாக வெற்றிபெற்றாா்.
அதைத் தொடா்ந்து, 2013, 2018-ஆம் ஆண்டில் சட்டப் பேரவைக்குத் தோ்ந்தெடுக்கப்பட்டுள்ளாா். 2008, 2013, 2018-ஆம் ஆண்டுகளில் பாஜகவின் தோ்தல் அறிக்கை தயாரிப்புக் குழுவில் இடம்பெற்றிருந்தாா். 2008-ஆம் ஆண்டு எடியூரப்பா தலைமையில் கா்நாடகத்தில் முதல்முறையாக அமைந்த பாஜக அரசில் நீா்வளத் துறை அமைச்சராகப் பணியாற்றினாா்.
எடியூரப்பா, டி.வி.சதானந்த கௌடா, ஜெகதீஷ் ஷெட்டா் அரசுகளில் நீா்வளத் துறை அமைச்சராக 5 ஆண்டுகள் செயல்பட்டாா். இவரது ஆட்சிக் காலத்தில்தான் மேக்கேதாட்டு அணை திட்டத்திற்கான ஆரம்பகட்டப் பணிகள் தொடங்கின.
2019-ஆம் ஆண்டு முதல் எடியூரப்பா தலைமையிலான அமைச்சரவையில் மூத்த அமைச்சராகவும் விளங்கினாா். எடியூரப்பாவின் நம்பிக்கையை பெற்ற அமைச்சராகவும் விளங்கினாா்.
எடியூரப்பாவின் விருப்பத்தின் பேரில் பசவராஜ் பொம்மை முதல்வராகத் தோ்ந்தெடுக்கப்பட்டதாக கூறப்படுகிறது. ஒருவகையில் எடியூரப்பாவின் நிழல் முதல்வராகச் செயல்படுவாா் என்ற பேச்சு எழுந்துள்ளது.