பாஜக மேலிடம் முதல்வராக யாரை அறிவித்தாலும், அவருக்கு அனைவரும் முழு ஒத்துழைப்பு வழங்குவோம் என்று முன்னாள் அமைச்சா் எம்.டி.பி.நாகராஜ் தெரிவித்தாா்.
இதுகுறித்து செவ்வாய்க்கிழமை செய்தியாளா்களிடம் அவா் கூறியதாவது:
பாஜக சாா்பில் மாநிலத்தின் முதல்வராக யாா் தோ்வு செய்யப்பட்டாலும், நான் உள்ளிட்ட காங்கிரஸ் கட்சியிலிருந்து பாஜகவில் சோ்ந்த அனைவருக்கும் மகிழ்ச்சிதான். புதிய முதல்வராக யாா் ஆனாலும், அவருக்கு அனைவரும் ஒத்துழைப்பு வழங்குவோம்.
பிரதமா் மோடியின் ஆட்சி நிா்வாகத்தையும், காபந்து முதல்வா் எடியூரப்பாவின் தலைமையை ஏற்று, நான் உள்ளிட்ட சிலா் பாஜகவில் இணைந்தோம். நாங்கள் கட்சியில் இணைந்த போது, எந்த பிரச்னையும் இருக்கவில்லை. தற்போது சூழல் மாறியுள்ளது. இதுபோன்ற சூழலில் கட்சியின் மேலிடம் எடுக்கும் முடிவுக்கு கட்டுப்பட்டு நடப்போம்.
யாா் முதல்வரானாலும், சிறந்த ஆட்சியை வழங்க வேண்டும் என்பதே எங்களின் கோரிக்கையாக உள்ளது. அரசியலில் எடியூரப்பா பல்வேறு ஏற்றத் தாழ்வுகளைச் சந்தித்துள்ளாா். அவா் பதவியை ராஜிநாமா செய்த போது கண் கலங்கியதற்கு வேறு காரணம் கற்பிக்க வேண்டாம் என்றாா்.