காங்கிரஸ் கட்சியினருக்கு சமூகத்தின் மீது அக்கறை இல்லை என்று மீன்வளத் துறை அமைச்சா் எஸ்.அங்காரா தெரிவித்தாா்.
கா்நாடக மாநிலம், சிக்மகளூரில் சனிக்கிழமை கரோனா தொற்றால் பாதிக்கப்பட்டவா்களுக்கு மருத்துவமனைகளில் படுக்கைகளை ஒதுக்கும் இணையதளச் சேவையை தொடக்கி வைத்து அவா் பேசியதாவது:
மாநிலத்தில் கரோனா தடுப்பூசி தட்டுப்பாடு ஏற்படக் காங்கிரஸ் கட்சியின் அவதூறு பிரசாரமே காரணம். ஆரம்பத்தில் தடுப்பூசி குறித்து அவா்கள் செய்த பிரசாரத்தால், மக்கள் தடுப்பூசியைச் செலுத்திக் கொள்ளாமல் பின் வாங்கினா். இதனால் குறைந்த அளவில் தடுப்பூசியை மட்டுமே மாநிலத்திற்கு வரவழைத்துக் கொண்டோம்.
தொடா்ந்து அரசு செய்த விழிப்புணா்வு பிரசாரத்தால், தற்போது தடுப்பூசியை ஏராளமானோா் செலுத்திக் கொள்ள முன்வந்துள்ளனா். ஆனால் தேவைக்கு குறைவான தடுப்பூசி இருப்பில் உள்ளதால், தட்டுப்பாடு ஏற்பட்டுள்ளது. இதற்கு காங்கிரஸ் கட்சியினா்தான் முக்கியக் காரணம். இதன் மூலம் காங்கிரஸ் கட்சியினருக்கு சமூகத்தின் மீது அக்கறை இல்லை என்பதை எடுத்துக் காட்டுகிறது என்றாா்.