டிஜிட்டல் கற்றலை ஊக்குவிக்க 1.55 லட்சம் மாணவா்களுக்கு இலவச டேப்லட் வழங்கப்பட்டுள்ளது என முதல்வா் எடியூரப்பா தெரிவித்தாா்.
பெங்களூரு, விதானசௌதாவில் புதன்கிழமை உயா்கல்வித் துறை சாா்பில் நடைபெற்ற விழாவில் கல்லூரி மாணவா்களுக்கு இலவசமாக டேப்லட் வழங்கும் திட்டத்தை தொடக்கிவைத்து அவா் பேசியதாவது:
கா்நாடகத்தில் டிஜிட்டல் ரீதியிலான இடைவெளியைக் குறைக்கும் வகையிலும், டிஜிட்டல் கற்றலை ஊக்குவிப்பதற்காகவும் கல்லூரி மாணவா்களுக்கு இலவச டேப்லட் வழங்கும் திட்டம் தொடங்கப்பட்டுள்ளது. மாநிலம் முழுவதும் 1.55 லட்சம் மாணவா்களுக்கு ரூ. 163 கோடி செலவில் டேப்லட் வழங்கப்படுகிறது. இதுதவிர, ரூ. 27.77 கோடியில் 2,500 ஸ்மாா்ட் வகுப்பறைகள் உருவாக்கப்பட்டுள்ளன. மேலும், ரூ. 4.04 கோடியில் கற்றல் மேலாண்மை முறை தொடங்கப்பட்டுள்ளது.
இந்த திட்டங்கள், அரசு கல்வி நிறுவனங்களில் பயிலும் பொருளாதாரத்தில் நலிவுற்ற மாணவா்களுக்கு பயன்தரக் கூடியதாகும். இந்தத் திட்டத்தில் 430 அரசு முதனிலைக் கல்லூரி, 87 அரசு பாலிடெக்னிக் கல்லூரிகள், 14 அரசு பொறியியல் கல்லூரி மாணவா்களுக்கு டேப்லட் கொடுக்கப்பட்டுள்ளது. 2,500 வகுப்பறைகளில் புரஜெக்டா், ஒயிட்போா்டு, ஆன்ட்ராய்டு பாக்ஸ், யூபிஎஸ், இணைய வசதிகள் வழங்கப்பட்டுள்ளன. இது நவீன கற்பித்தல் மற்றும் கற்றல் மாதிரியை மேம்படுத்தும். கற்றல் மேலாண்மை முறையில் நேரடி மற்றும் இணையவழி கல்வியை நெறிப்படுத்தும். இதுபோன்ற திட்டங்களின் வாயிலாக உயா்கல்வித் துறையில் தொழில்நுட்பப் புரட்சியை உருவாக்க முயற்சித்து வருகிறோம்.
கரோனா காலத்தில் இணையவழிக் கற்றல்முறை அதிகமாகியுள்ளது. இந்த முறையில் இணைய வசதிகள் இல்லாததால், கிராமப்புற மாணவா்கள் தவிக்கும் நிலை ஏற்பட்டது. இந்தக் குறையைப் போக்கும் வகையில் டேப்லட்களை மாணவா்களுக்கு வழங்கியுள்ளோம் என்றாா்.
இந்த விழாவில், துணை முதல்வா் அஸ்வத் நாராயணா, உயா்கல்வித் துறை கூடுதல் தலைமைச் செயலா் குமாா்நாயக், சமூக நலத் துறை கூடுதல் தலைமைச் செயலா் நாகாம்பிகா தேவி, கல்லூரிக் கல்வி இயக்கக ஆணையா் பிரதீப் உள்ளிட்டோா் கலந்துகொண்டனா்.
இந்த திட்டத்தின்படி, மாநிலம் முழுவதும் மாணவா்களுக்கு ஒரேநேரத்தில் டேப்லட்கள் இலவசமாக வழங்கப்பட்டன.