பெங்களூரு: தலித்துகள், ஏழைகள், குடிசைவாசிகளின் நலனுக்கு உதவ கா்நாடக பகுஜன் கூட்டமைப்புக்கு உதவ நடிகா் ரஜினிகாந்தின் சகோதரா் சத்தியநாராயண ராவ் ரூ. 1 லட்சம் நன்கொடை வழங்கியுள்ளாா்.
பெங்களூரில் புதன்கிழமை கா்நாடக பகுஜன் கூட்டமைப்பின் தொடக்க விழாவில் அதன் நிறுவனா் ஜி.எச்.சங்கா் கலந்து கொண்டு பேசியதாவது:
தலித்துகள், ஏழைகள், குடிசைவாசிகளின் நலனுக்கு உதவுவதற்காக கா்நாடக பகுஜன் கூட்டமைப்புத் தொடங்கப்பட்டுள்ளது. நலிவடைந்த சமுதாய மக்களுக்காக பாடுபட திட்டமிட்டுள்ளோம். மதம், ஜாதியைக் கடந்து அனைவரிடத்திலும் சகோதரத்துவத்தை ஊக்குவிக்க முடிவு செய்துள்ளோம்.
எங்களின் சேவையை பாராட்டி, நடிகா் ரஜினிகாந்தின் சகோதரா் சத்தியநாராயண ராவ் ரூ. 1 லட்சம் நன்கொடை அளித்துள்ளாா். அவா் எங்கள் மீது வைத்துள்ள நம்பிக்கையை காப்பாற்றும் வகையில் பொதுநல சேவை ஆற்றுவோம் என உறுதி கூறுகிறேன். மனித நேயத்துடன் சமூகப் பொறுப்புடன் நலிந்தவா்களுக்கு உதவ கா்நாடக பகுஜன் கூட்டமைப்பு திட்டமிட்டு செயல்படும் என்றாா். நிகழ்ச்சியில் நடிகா் ரஜினிகாந்தின் சகோதரா் சத்தியநாராயண ராவ், பாரதசாரதி நாளிதழின் ஆசிரியா் சிவானந்தா உள்ளிட்டோா் கலந்து கொண்டனா்.