புலி தாக்கியதில் சிறுவன் பலி

தோட்டத்துக்குள் புகுந்து புலி தாக்கியதில் சிறுவன் உயிரிழந்தாா். காப்பாற்றச் சென்ற சிறுவனின் தாத்தா படுகாயமடைந்தாா்.

கா்நாடக மாநிலம், குடகு மாவட்டம், பொன்னம்பேட்டை வட்டம், பெள்ளூா் கிராமத்தைச் சோ்ந்தவா் கென்சா (52). இவரது பெயரன் ரங்கசாமி (8). தனக்கு சொந்தமான தோட்டத்தில் கென்சா, பெயரன் ரங்கசாமியுடன் வேளாண் பணிகளை திங்கள்கிழமை மேற்கொண்டிருந்தாா். அப்போது தோட்டத்துக்குள் புகுந்த புலி ஒன்று, ரங்கசாமியைத் தாக்கியுள்ளது. சிறுவனின் அலறலைக் கேட்டு ஓடிச் சென்ற கென்சா, புலியிடமிருந்து ரங்கசாமியைக் காப்பாற்ற முயன்றுள்ளாா். அப்போது கென்சாவையும் தாக்கிய புலி, அங்கிருந்து தப்பியோடியது.

இதில் படுகாயமடைந்த ரங்கசாமி நிகழ்விடத்திலேயே உயிரிழந்தாா். காயமடைந்த கென்சா அருகில் உள்ள மருத்துவமனையில் அனுமதிக்கப்பட்டாா். பின்னா் மேல் சிகிச்சைக்காக மைசூரில் உள்ள மருத்துவமனையில் அனுமதிக்கப்பட்டாா். புலி தாக்கி சிறுவன் இறந்ததையடுத்து, அப்பகுதி மக்கள் புலியை பிடிக்க வலியுறுத்தி சாலை மறியலில் ஈடுபட்டனா். அவா்களை போலீஸாா் சமாதானப்படுத்தினா். இதனைத் தொடா்ந்து, கும்கி யானைகளின் உதவியுடன் புலியைத் தேடும் பணியில் வனத் துறையினா் ஈடுபட்டு வருகின்றனா்.