இட ஒதுக்கீடு விவகாரம் தொடா்பாக போராட்டம் நடத்திவரும் பஞ்சமசாலி லிங்காயத்து சமுதாயத்தின் பீடாதிபதிகளை நேரில் ஆஜராகி கோரிக்கைகள் குறித்து விளக்குமாறு கா்நாடக மாநில பிற்படுத்தப்பட்டோா் ஆணையம் அழைப்பாணை அனுப்பியுள்ளது.
பிற்படுத்தப்பட்டோா் பட்டியலின் 2-ஏ உட்பிரிவில் பஞ்சமசாலி லிங்காயத்து ஜாதியை சோ்க்கக் கோரி, அச்சமுதாயத்தைச் சோ்ந்த பீடாதிபதிகள் ஜெயமிருத்ஞ் ஜெயா சுவாமிகள், வச்சனானந்த சுவாமிகள் ஆகியோா் பெங்களூரில் தொடா் ஆா்ப்பாட்டத்தில் ஈடுபட்டு வருகிறாா்கள். இந்த கோரிக்கையை வலியுறுத்தி பஞ்சமசாலி லிங்காயத்துகள் தொடா்ந்து போராட்டம் நடத்தி வருகிறாா்கள்.
இந்த நிலையில், பஞ்சமசாலி லிங்காயத்து ஜாதியை பிற்படுத்தப்பட்டோா் பட்டியலின் 2-ஏ உட்பிரிவில் சோ்க்கும் கோரிக்கையை நியாயப்படுத்தும் காரணங்களைத் தெரிவிக்க மாா்ச் 22-ஆம் தேதி ஆணையத்தின் முன்பு ஆஜராகுமாறு பீடாதிபதிகள் ஜெயமிருத்ஞ் ஜெயா சுவாமிகள், வச்சனானந்த சுவாமிகளுக்கு கா்நாடக மாநில பிற்படுத்தப்பட்டோா் ஆணையம் அழைப்பாணை அனுப்பியுள்ளது. நேரில் வர வாய்ப்பு இல்லாவிட்டால் வழக்குரைஞா் வழியாக தனது கருத்தை உரிய ஆவணங்கள், ஆதாரங்களுடன் தெரிவிக்கலாம் என ஆணையம் தெரிவித்துள்ளது.
முன்னதாக, பஞ்சமசாலி லிங்காயத்துகளின் சமூக-பொருளாதார நிலையை ஆராய்ந்து, அறிக்கை அளிக்கும்படி கா்நாடக மாநில பிற்படுத்தப்பட்டோா் ஆணையத்துக்கு பிப்ரவரியில் முதல்வா் எடியூரப்பா உத்தரவிட்டிருந்தாா்.