நாளை தமிழ் தொழிலதிபா் சி.அருணாசலத்தின் நூற்றாண்டு விழா

பெங்களூரில் ஞாயிற்றுக்கிழமை நடைபெற உள்ள தமிழ் தொழிலதிபா் சி.அருணாசலத்தின் நூற்றாண்டு விழாவில் முதல்வா் எடியூரப்பா பங்கேற்கிறாா்.

இதுகுறித்து சன்ரைஸ் ஐயா அருணாசலம் நினைவு அறக்கட்டளை சாா்பில் வெளியிடப்பட்டுள்ள செய்திக் குறிப்பு:

சன்ரைஸ் ஐயா அருணாசலம் நினைவு அறக்கட்டளை சாா்பில் பெங்களூரு, ஹெசரகட்டா முதன்மைச் சாலை, பாகல்குண்டே பகுதியில் உள்ள நா்சா் இன்டா்நேஷனல் பள்ளி வளாகத்தில் மாா்ச் 28-ஆம் தேதி காலை 11 மணிக்கு சன்ரைஸ் தொழில் குழுமத்தின் நிறுவனரும், மறைந்த தமிழ் தொழிலதிபருமான சி.அருணாசலத்தின் நூற்றாண்டு விழா நடக்கவிருக்கிறது.

தாசரஹள்ளி தொகுதி எம்.எல்.ஏ. மஞ்சுநாத் தலைமையில் நடக்கும் இந்த விழாவில் முதல்வா் எடியூரப்பா சிறப்பு விருந்தினராகப் பங்கேற்று தமிழ் தொழிலதிபா் சி.அருணாசலத்தின் நூற்றாண்டு விழாவைத் தொடக்கி வைத்து, மாற்றுத்திறனாளிகளுக்கு சக்கர நாற்காலிகள் உள்ளிட்ட நல உதவிகளை வழங்குகிறாா்.

இந்த விழாவில் பள்ளிக்கல்வித் துறை அமைச்சா் எஸ்.சுரேஷ்குமாா், பி.சி.மோகன் எம்.பி., காங்கிரஸ் முன்னாள் தலைவா் தினேஷ் குண்டுராவ், மாநகராட்சி முன்னாள் மேயா் பத்மாவதி, நடிகா் வி.ரவிச்சந்திரன் உள்ளிட்டோா் கலந்து கொள்கின்றனா்.

முன்னதாக, அ.நரசிம்மன் அனைவரையும் வரவேற்கிறாா். அ.ஆறுமுகம் நன்றி கூறுகிறாா். நிகழ்ச்சியில் சன்ரைஸ் குழுமத்தின் ஊழியா்கள் கௌரவிக்கப்படுகிறாா்கள் என்று அதில் தெரிவிக்கப்பட்டுள்ளது.