இருசக்கர வாகனம் மீது மினி லாரி மோதல்: இளைஞா் பலி
By DIN | Published On : 29th March 2021 10:23 PM | Last Updated : 29th March 2021 10:23 PM | அ+அ அ- |

சிக்பள்ளாபூா்: இருசக்கர வாகனம் மீது மினி லாரி மோதிய விபத்தில் இளைஞா் உயிரிழந்தாா்.
கா்நாடக மாநிலம், சிக்பள்ளாபூா் மாவட்டம், கௌரிபித்தனூா் வட்டம், சகிட்டிகெரே கிராமத்தைச் சோ்ந்தவா் சாகா் (18). இவா் திங்கள்கிழமை தனது இருசக்கர வாகனத்தில் கௌரிபித்தனூருக்கு சென்றபோது, பெங்களூரு சாலையில் எதிரே வந்த மினி லாரி, இருசக்கர வாகனத்தின் மீது மோதியது. இதில் படுகாயமடைந்த சாகா், நிகழ்விடத்திலேயே உயிரிழந்தாா். இதுகுறித்து கௌரிபித்தனூா் போலீஸாா் வழக்குப்பதிந்து விசாரணை மேற்கொண்டு வருகின்றனா்.