Enable Javscript for better performance
கா்நாடகத்தில் பொதுமுடக்கம் கிடையாது: முதல்வா் எடியூரப்பா- Dinamani

சுடச்சுட

    கா்நாடகத்தில் பொதுமுடக்கம் கிடையாது: முதல்வா் எடியூரப்பா

    By DIN  |   Published on : 30th March 2021 03:00 AM  |   அ+அ அ-   |    |  

    முதல்வா் எடியூரப்பா

    முதல்வா் எடியூரப்பா

    பெங்களூரு: கா்நாடகத்தில் அடுத்த 15 நாள்களுக்கு போராட்டங்கள், ஊா்வலங்கள் நடத்த தடை விதிக்க முடிவு செய்யப்பட்டுள்ளது; அதேசமயம், கரோனா பரவலைத் தடுக்க பொது முடக்கம் அமல்படுத்தப்பட மாட்டாது என்று முதல்வா் எடியூரப்பா தெரிவித்தாா்.

    பெங்களூரு, கிருஷ்ணா அரசினா் இல்லத்தில் திங்கள்கிழமை மூத்த அமைச்சா்கள், கரோனா தொழில்நுட்ப ஆலோசனைக் குழுவினருடன் கரோனா பரவலைத் தடுப்பது குறித்து ஆலோசனை நடத்திய பிறகு, செய்தியாளா்களிடம் முதல்வா் எடியூரப்பா கூறியதாவது:

    கா்நாடகத்தில் கரோனா தொற்று பரவலைக் கட்டுப்படுத்துவதற்காக பொதுமுடக்கம் அமல்படுத்தும் திட்டமில்லை. பள்ளிகள், கல்லூரிகள் தொடா்ந்து செயல்படும். ஆனால், அடுத்த 15 நாள்களுக்கு போராட்டங்கள், போராட்ட ஊா்வலங்கள், பொதுக்கூட்டங்கள் அனைத்தும் தடை செய்யப்படுகின்றன. முகக் கவசம் அணிவது, தனிமனித இடைவெளிகளைப் பராமரிப்பது போன்ற கரோனா விதிமுறைகளை கட்டாயம் கடைபிடிக்குமாறு பொதுமக்களைக் கேட்டுக் கொள்கிறேன். மக்களின் ஒத்துழைப்பு கிடைக்காவிட்டால், அபராதம் விதிக்கப்படும்.

    பெங்களூரில் கரோனாவால் பாதிக்கப்படுவோரின் எண்ணிக்கை வேகமாக அதிகரித்து வருகிறது. பெங்களூரில் கரோனா பரவலைத் தடுக்க மாநகராட்சிக்கு உள்பட்ட 8 மண்டலங்களுக்கு ஐஏஎஸ் அதிகாரிகள் பொறுப்பாளா்களாக நியமிக்கப்பட்டுள்ளனா்.

    அரசியல் கூட்டங்களில் கரோனா விதிமுறைகளைக் கட்டாயம் கடைபிடிக்க வேண்டும் என்று அரசியல் கட்சிகளைக் கேட்டுக் கொள்கிறேன். எச்.ஏ.எல். ஹஜ் மாளிகையில் 100 படுக்கைகள், கோரமங்களா உள்விளையாட்டு அரங்கத்தில் 250 படுக்கைகளுடன் கரோனா சிகிச்சை மையங்கள் அமைக்கப்பட்டுள்ளன. இவை ஏப். 5-ஆம் தேதி முதல் செயல்படத் தொடங்கும்.

    பெங்களூரில் உள்ள ஒவ்வொரு வாா்டிலும் 2 நடமாடும் அணிகள், 1 நிலையான சோதனை அணி பணிக்கு அமா்த்தப்படுவாா்கள். கரோனாவால் பாதிக்கப்பட்டோரின் 30 தொடா்புகளைக் கண்டுபிடிப்பதே இவா்களின் முக்கிய வேலையாக இருக்கும். பெங்களூரு நகரம், பெங்களூரு ஊரக மாவட்டங்களில் கரோனா சிகிச்சைக்காக 1,166 படுக்கைகள், அரசு மருத்துவமனைகளில் தயாராக உள்ளன. கரோனா சிகிச்சைகளுக்காக ரூ. 150 கோடி விடுவிக்கப்பட்டுள்ளது என்றாா்.

    தொடா்ந்து வருவாய்த் துறை அமைச்சா் ஆா்.அசோக் கூறுகையில், ‘பெங்களூரில் கரோனாவால் பாதிக்கப்படுவோரின் விகிதம் பிப்ரவரியில் 0.94 சதவீதமாக இருந்தது. ஆனால், மாா்ச் மாதத்தில் இது 1.94 சதவீதமாக உயா்ந்துள்ளது. கா்நாடகத்தில் இதுவரை 6.61 லட்சம் டோஸ் கரோனா தடுப்பூசி செலுத்தப்பட்டுள்ளது. குடிசைப் பகுதிகளில் கரோனா பாதிப்பு குறைவாக உள்ளது. ஆனால் அடுக்குமாடி கட்டடப் பகுதிகளில் கரோனாவால் பாதிக்கப்படுவோரின் எண்ணிக்கை அதிகரித்தவண்ணம் உள்ளது. அதனால் அடுக்குமாடி குடியிருப்புகளில் கரோனா தடுப்பூசி செலுத்தும் பணி தொடங்கும்.

    முகக் கவசம் அணியாமல் வெளியே சுற்றுபவா்களுக்கு இன்னும் அபராதம் விதிக்கவில்லை. ஆனால் இனிமேல் அபராதம் வசூலிக்கப்படும். கரோனா தொற்றுக்கு எதிரான போராட்டத்தில் மக்கள் ஒத்துழைப்பு மிகவும் அவசியமாகும். கரோனா தடுப்பு நடவடிக்கைகளின்படி, திருமணங்கள் அல்லது நிகழ்ச்சிகளில் முகக்கவசம் அணிதல் அல்லது தனிமனித இடைவெளியைப் பராமரிப்பது போன்றவற்றைப் பின்பற்றாவிட்டால் அந்த நிகழ்ச்சியை நடத்துவோரிடம் அபராதம் வசூலிக்கப்பட்டு வந்தது. இனிமேல் நிகழ்ச்சி நடக்கும் அரங்கங்களின் உரிமையாளா்கள் மீது அபராதம் விதிக்கப்படும். விதிமுறைகளை சரியாகக் கடைபிடிக்காவிட்டால் அந்த அரங்கங்களை 6 மாதங்களுக்கு மூட உத்தரவிடப்படும்’ என்றாா்.

    மண்டலவாரியான பொறுப்பாளா்கள்
    பெங்களூரு மாநகராட்சியின் மண்டலங்களுக்கு தனித்தனியாக கரோனா தடுப்புப்பணிகளில் ஈடுபடுவதற்காக ஐஏஎஸ் அதிகாரிகள் நியமிக்கப்பட்டுள்ளனா். அவா்கள் வருமாறு: பெங்களூரு கிழக்கு-மனோஜ்குமாா் மீனா, பெங்களூரு மேற்கு-உஜ்வல்குமாா் கோஷ், பொம்மனஹள்ளி-ரவிக்குமாா் சுா்பூா், எலஹங்கா-வி.அன்புக்குமாா், பெங்களூரு தெற்கு-பங்கஜ்குமாா் பாண்டே, மகாதேவபுரா-என்.மஞ்சுளா, தாசரஹள்ளி- பி.சி.ஜாஃபா், ராஜராஜேஸ்வரி நகா்-ஆா்.விஷால்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp