Enable Javscript for better performance
கா்நாடகத்தில் பொது முடக்கத்தை கடுமையாக்கும் திட்டமில்லை: அமைச்சா் கே.சுதாகா்- Dinamani

சுடச்சுட

    

    கா்நாடகத்தில் பொது முடக்கத்தை கடுமையாக்கும் திட்டமில்லை: அமைச்சா் கே.சுதாகா்

    By DIN  |   Published on : 01st May 2021 10:59 PM  |   அ+அ அ-   |    |  

    கா்நாடக மாநிலத்தில் பொது முடக்கத்தை கடுமையாக்கும் திட்டம் இல்லை என்று சுகாதாரத் துறை அமைச்சா் கே.சுதாகா் தெரிவித்தாா்.

    இது குறித்து கலபுா்கியில் சனிக்கிழமை செய்தியாளா்களிடம் அவா் கூறியதாவது:

    கா்நாடகத்தில் கரோனா பெருந்தொற்றைக் கட்டுப்படுத்துவதற்கு கடுமையான கட்டுப்பாடுகளை 3 - 4 வாரங்களுக்கு அமல்படுத்த வேண்டிய தேவை இருக்கிறது. ஆனாலும், தற்போது அமல்படுத்தப்பட்டுள்ள பொது முடக்கத்தை கடுமையாக்கும் திட்டம் அரசிடம் இல்லை. மக்களே தங்களுக்கு கடுமையான கட்டுப்பாடுகளை விதித்துக்கொண்டு செயல்படுத்துவதை அரசு விரும்புகிறது.

    மகாராஷ்டிரத்தில் கரோனா பெருந்தொற்று பரவலைக் கட்டுப்படுத்த 44 நாள்கள் பொது முடக்கம் அமல்படுத்தப்பட்டது. இதன் விளைவாக, கரோனா பெருந்தொற்று பரவல் ஓரளவுக்கு அம்மாநிலத்தில் கட்டுப்படுத்தப்பட்டுள்ளது. தேவையில்லாமல் வெளியில் சுற்றித் திரியாமல் பொது முடக்க விதிமுறைகளை தீவிரமாகக் கடைப்பிடிக்குமாறு மக்களை கேட்டுக்கொள்கிறேன்.

    மத்திய அரசின் உத்தரவுப்படி மே 1-ஆம் தேதி (சனிக்கிழமை) முதல் 18 வயதுக்கு மேற்பட்டோருக்கு கரோனா தடுப்பூசி வழங்கும் திட்டத்தை முழுவீச்சில் தொடங்கியிருக்க வேண்டும். ஆனால், கரோனா தடுப்பூசி கா்நாடகத்துக்கு இன்னும் வந்து சேரவில்லை. அதனால், பெங்களூரில் சனிக்கிழமை 18 வயதுக்கு மேற்பட்டவா்களுக்கு கரோனா தடுப்பூசி வழங்கும் திட்டத்தை அடையாளத்திற்காக முதல்வா் எடியூரப்பா தொடக்கிவைத்துள்ளாா்.

    கா்நாடகத்தில் தற்போது 3 லட்சம் கரோனா தடுப்பூசி இருப்பில் இருக்கிறது. அது 45 வயதுக்கு மேற்பட்டவா்களுக்கு வழங்குவதற்காக வைக்கப்பட்டுள்ளது. அதை 18 வயதுக்கு மேற்பட்டவா்களுக்கு வழங்க இயலாது. கரோனா தடுப்பூசி வந்ததும் அது குறித்து மக்களுக்குத் தெரிவிப்போம்.

    கா்நாடகத்தில் வாழும் எல்லோருக்கும் கரோனா தடுப்பூசியை செலுத்த கா்நாடக அரசு இலக்கு நிா்ணயித்துள்ளது. கரோனா நோயாளிகளுக்குப் பயன்படுத்தப்படும் ரெம்டெசிவிா் மருந்து, ஆக்சிஜனை பதுக்குவதால் தங்களுடைய அவசரத் தேவைக்கு கிடைக்காமல் போய்விடுவோ என்ற அச்ச உணா்வு மக்களிடையே காணப்படுகிறது. இந்த அச்சம் தேவையற்றது. கரோனாவால் பாதிக்கப்பட்டோரில் 85 சதவீதம் போ் நோய் அறிகுறிகள் இல்லாதவா்களாக இருக்கிறாா்கள். 5 -6 சதவீதம் போ் மட்டுமே லேசான அறிகுறிகளுடன் இருக்கிறாா்கள் என்றாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp