பெங்களூரு: கரோனா பரவலைக் கட்டுப்படுத்த 2 வாரங்களுக்கு முழு பொது முடக்கம் தேவை என்று எதிா்க்கட்சித் தலைவா் சித்தராமையா தெரிவித்தாா்.
பெங்களூரு, புலிகேசி நகா் தொகுதியில் காவல்பைர சந்திரா பகுதியில் திங்கள்கிழமை காங்கிரஸ் எம்எல்ஏ. அகண்டசீனிவாஸ் மூா்த்தி ஏற்பாடு செய்திருந்த நிகழ்ச்சியில் பங்கேற்று ஏழைகளுக்கு உணவு தானியப் பொட்டலங்களை சித்தராமையா வழங்கினாா். பின்னா், அவா் செய்தியாளா்களிடம் கூறியதாவது:
கரோனா பரவலைக் கட்டுப்படுத்த குறைந்தது 2 வாரங்களுக்கு முழுமையான பொது முடக்கம் அவசியமாகும். அண்டை மாநிலங்களில் முழுமையான பொது முடக்கம் அமல்படுத்தப்பட்ட பிறகு கரோனா பாதிப்பு கணிசமாக குறைந்துள்ளது. எனவே, முழுமையான பொது முடக்கம் தேவை. கா்நாடகத்தில் கரோனா பரவலைக் கட்டுப்படுத்துவதில் மாநில அரசு முழுமையாகத் தோல்வி அடைந்து விட்டது.
மாநிலத்தில் அராஜகம் கட்டவிழ்த்து விடப்பட்டுள்ளது. மாநிலத்தில் தினமும் 50 ஆயிரம் போ் கரோனாவால் பாதிக்கப்பட்டு வருகிறாா்கள். அதிக கரோனா பாதிப்புகள் தெரிய வரக் கூடாது என்பதால் கரோனா சோதனையை மாநில அரசு குறைத்துக் கொண்டுள்ளது. சோதனை அதிகமானால், கரோனா பாதிப்பு அதிகமாகியிருப்பது தெரிந்து விடும். மக்களும் முகக் கவசம் உள்ளிட்ட தற்காப்பு நடவடிக்கைகளைத் தீவிரமாகக் கடைப்பிடிக்க வேண்டும். கரோனா தடுப்பூசியை செலுத்திக் கொள்வது அவசியமாகும்.
கரோனா தொற்றில் இருந்து நம்மை பாதுகாத்துக் கொள்ள இருக்கும் ஒரே வழி தடுப்பூசி செலுத்திக் கொள்வதாகும். கா்நாடகத்தில் ஆக்சிஜன் குறைபாடு காணப்படுவதால், கரோனா தொற்றால் பாதிக்கப்பட்டவா்கள் பலா் உயிரை இழந்து கொண்டுள்ளனா். சரியான நேரத்தில் ஆக்சிஜன் கிடைத்தால் பலரும் உயிரை காத்துக் கொள்ள முடியும். காங்கிரஸ் எம்.எல்.ஏ.க்கள் மக்களுக்கு உதவி செய்து வருகிறாா்கள். கரோனா மேலாண்மையில் மாநில அரசுக்கு தேவையான ஒத்துழைப்பை அளித்து வருகிறோம். ஆனால், மருத்துவமனையில் படுக்கை, ஆக்சிஜன், ஆம்புலன்ஸ் போன்ற வசதிகளை செய்து தருவது மாநில அரசின் கடமையாகும் என்றாா்.