கா்நாடகத்துக்கு 4.25 லட்சம் டெம்டெசிவிா் மருந்து குப்பிகள் வழங்க மத்திய அரசு முடிவு செய்துள்ளதாக ரசாயனத் துறை அமைச்சா் சதானந்த கௌடா தெரிவித்தாா்.
இதுகுறித்து தனது சுட்டுரையில் ஞாயிற்றுக்கிழமை அவா் பதிவிட்டுள்ளதாவது:
கா்நாடகத்தில் கரோனா தொற்றால் பாதிக்கப்படுவோரின் எண்ணிக்கை அதிகரித்து வருவதால் மே 17 முதல் 23-ஆம் தேதி வரையிலான ஒருவார காலத்தில் கா்நாடகத்துக்கு 4.25 லட்சம் ரெம்டெசிவிா் குப்பிகள் வழங்க மத்திய அரசு முடிவு செய்துள்ளது.
மகாராஷ்டிரத்துக்கு அடுத்தப்படியாக கா்நாடகத்துக்கு அதிக அளவில் ரெம்டெசிவிா் மருந்து குப்பிகள் ஒதுக்கப்பட்டுள்ளன. ஏப். 21-ஆம் தேதி முதல் நாடு முழுவதும் 72 லட்சம் ரெம்டெசிவிா் குப்பிகள் விநியோகம் செய்யப்பட்டுள்ளன. கா்நாடகத்துக்கு மட்டும் 10 லட்சம் ரெம்டெசிவிா் மருந்து குப்பிகள் அளிக்கப்பட்டுள்ளன.
மே 17 முதல் 23-ஆம் தேதி வரையிலான ஒரு வார காலத்தில் வெவ்வேறு மாநிலங்களுக்கு மொத்தம் 23 லட்சம் ரெம்டெசிவிா் மருந்து குப்பிகளை மத்திய அரசு விநியோகிக்கவுள்ளது. இதுவரை தில்லிக்கு 2.8 லட்சம், கா்நாடகத்துக்கு 10 லட்சம், ஆந்திரத்துக்கு 3.75 லட்சம், பிகாருக்கு 2 லட்சம், கேரளத்துக்கு 2.75 லட்சம், மகாராஷ்டிரத்துக்கு 14.92 லட்சம், உத்தரபிரதேசத்துக்கு 6.25 லட்சம் என்ற எண்ணிக்கையில் ரெம்டெசிவிா் மருந்து குப்பிகள் விநியோகம் செய்யப்பட்டுள்ளதாக அதில் தெரிவிக்கப்பட்டுள்ளது.