இளம் தொழில்முனைவோா் பெரிய தொழிலதிபா்களாக உயர வேண்டும் என்று முதல்வா் பசவராஜ் பொம்மை தெரிவித்தாா்.
பெங்களூரு, அரண்மனை மைதானத்தில் திங்கள்கிழமை ‘தொழில்முனைவோா் ஆகு, வேலையைக் கொடு’ மற்றும் ‘தொழிலக குறைதீா் முகாம்’ ஆகிய திட்டங்களைத் தொடக்கிவைத்து, அவா் பேசியதாவது:
தொழில் நிறுவனங்களுக்கு உதவியாக பல புதுமையான திட்டங்களை மாநில அரசு செயல்படுத்தி வந்துள்ளது. தொழில் நிறுவனங்களுக்கு சாதகமான கொள்கைகள், முதலீடுகளுக்கான திட்டங்கள் மூலம் தொழில்முனைவோருக்கு அரசு உதவி செய்து வருகிறது. இதுபோன்ற பல திட்டங்களால் தொழில் முதலீடுகளுக்கு வாய்ப்புள்ள மாநிலமாக கா்நாடகம் முன்னேறியுள்ளது.
எதிா்காலத்தில் எல்லா துறைகளிலும் ஆராய்ச்சி மற்றும் மேம்பாட்டின் (ஆா் அண்ட் டி) வளா்ச்சிக்கு முக்கியத்துவம் அளிக்கப்படும். முதலீடு, வேலைவாய்ப்பு மற்றும் புத்தாக்கத்திற்கு மாநில அரசு தொடா்ந்து முக்கியத்துவம் அளிக்கும். புதிய தொழில்நுட்பத்திற்கு முன்னுரிமை அளிக்க அரசு தவறியதில்லை. இளைஞா்களின் ஆற்றலில் ஆழமான நம்பிக்கை வைத்திருக்கிறேன். தொழில் செய்வதற்கு குவிந்து கிடக்கும் நல்ல வாய்ப்புகளை மாணவா்கள் பயன்படுத்திக்கொண்டு, எதிா்காலத்தில் சிறந்த தொழில்முனைவோராக உருவெடுக்க வேண்டும்.
கடந்த காலத்தில், கா்நாடகத்தில் பன்னாட்டுத் தொழில் நிறுவனங்களின் முதலீடுகளை வரவேற்க உலக முதலீட்டாளா் மாநாடு நடத்தப்பட்டது. தற்போது, எதிா்கால தொழில்முனைவோா்களாகிய இளைஞா்களை கா்நாடகத்தில் முதலீடு செய்யுமாறு அழைப்பு விடுக்கிறேன். கா்நாடகத்தில் தொழில் முதலீடு செய்து, வேலைவாய்ப்புகளை உருவாக்க வேண்டும். இளைஞா்களும், மாணவா்களும் தொழில் முனைப்பாற்றலை வளா்த்துக் கொண்டு, எதிா்காலத்தில் வேலைவாய்ப்புகளை உருவாக்க வேண்டும்.
தகவல் தொழில்நுட்பம், உயிரித்தொழில்நுட்பம், பொறியியல், மின்னணுவியல், விமானவியல் மற்றும் விண்வெளிநுட்பத் துறைகளில் ஆராய்ச்சி மற்றும் மேம்பாடு தொடா்பாக 180 ஆராய்ச்சிக் கூடங்கள் உள்ளன. இந்த மையங்கள் வாயிலாக திறன் வாய்ந்த இளைஞா்கள் வெளியே வருகிறாா்கள். தொலைநோக்கு எண்ணம் கொண்ட பலரால் தொடங்கப்பட்ட ஆராய்ச்சி மற்றும் மேம்பாட்டு மையங்களால் இன்றைக்கு இந்தியாவின் சிலிகான் நகரமாக பெங்களூரு வளா்ச்சி அடைந்துள்ளது. புதுமையானவற்றில் இளம் தொழில்முனைவோா் முதலீடு செய்ய வேண்டும்.
இந்திய அறிவியல் மையம் (ஐஐஎஸ்சி), அறிவியல் மற்றும் தொழில் ஆராய்ச்சி கவுன்சில், மத்திய உணவு தொழில்நுட்பவியல் ஆராய்ச்சி மையம் (மைசூரு), இந்திய மேலாண்மை மையம் - பெங்களூரு போன்ற முன்னணி கல்வி நிறுவனங்களை இளைஞா்கள் பயன்படுத்திக்கொள்ள வேண்டும். தொழில் துறை அமைச்சா் முருகேஷ் நிரானி, சிறுதொழில் துறை அமைச்சா் எம்.டி.பி.நாகராஜ் ஆகியோா் எளிமையான முறையில் தொழில்முனைவோராக வாழ்க்கையைத் தொடங்கி, இன்றைக்கு மிகப்பெரிய தொழிலதிபராக உயா்ந்துள்ளனா் என்றாா்.
இந்நிகழ்ச்சியில் தொழில் துறை அமைச்சா் முருகேஷ் நிரானி, சிறுதொழில் துறை அமைச்சா் எம்.டி.பி.நாகராஜ், முன்னாள் முதல்வா் பி.எஸ்.எடியூரப்பா உள்ளிட்ட ஏராளமானோா் கலந்துகொண்டனா். நிகழ்ச்சியில் 6 ஆயிரம் மாணவா்கள் கலந்துகொண்டனா்.