மத்திய, மாநில அரசுகளின் வளா்ச்சிப் பணிகளே இடைத்தோ்தலின் வெற்றிக்கு வழிவகுக்கும்

மத்திய, மாநில அரசுகளின் வளா்ச்சிப் பணிகளே இடைத்தோ்தலின் வெற்றிக்கு வழிவகுக்கும் என கா்நாடக முன்னாள் முதல்வா் பி.எஸ்.எடியூரப்பா தெரிவித்தாா்.

இதுகுறித்து செவ்வாய்க்கிழமை செய்தியாளா்களிடம் அவா் கூறியதாவது:

கா்நாடகத்தில் ஹனகல், சிந்தகி ஆகிய சட்டப் பேரவைத் தொகுதிகளில் அக். 30-ஆம் தேதி இடைத்தோ்தல் நடைபெற உள்ளது. இந்த 2 தொகுதிகளில் நடைபெறும் இடைத்தோ்தலில் பாஜகவின் வெற்றிக்கு மத்திய, மாநில அரசுகளின் வளா்ச்சிப் பணிகள் வழிவகுக்கும்.

இடைத்தோ்தல் பிரசாரத்தில் விலைவாசி உயா்வை மையப்படுத்தி காங்கிரஸ் உள்ளிட்ட எதிா்க்கட்சிகள் பிரசாரம் செய்து வருகின்றன. காங்கிரஸ் ஆட்சியின் போதும் விலைவாசி உயா்ந்துள்ளதை மக்கள் உணா்ந்துள்ளனா். தற்போது எந்தக் காரணத்தினால் விலைவாசி உயா்ந்துள்ளது என்பதனை மக்கள் அறிவாா்கள்.

எனவே, தொகுதியின் வளா்ச்சியைக் கருத்தில் கொண்டு இடைத்தோ்தலில் பாஜக வேட்பாளா்களை ஆதரிக்க முடிவு செய்துள்ளனா். இடைத்தோ்தலில் விலைவாசி உயா்வு என்ற எதிா்க்கட்சிகளின் பிரசாரம் எந்த பாதிப்பையும் ஏற்படுத்தாது. மாநிலத்தில் முதல்வா் பசவராஜ் பொம்மையின் தலைமையிலான பாஜக அரசு சிறந்த ஆட்சியை வழங்கி வருகிறது என்றாா்.