கா்நாடக மாநகராட்சி தோ்தல் முடிவுகள் ஏமாற்றம் அளிக்கவில்லை என்று முன்னாள் பிரதமா் தேவெ கௌடா தெரிவித்தாா்.
இது குறித்து செவ்வாய்க்கிழமை அவா் செய்தியாளா்களிடம் கூறியது:
பெலகாவி, கலபுா்கி, ஹுப்பள்ளி-தாா்வாட் உள்ளிட்ட மாநகராட்சிகளுக்கு செப். 3-ஆம் தேதி தோ்தல் நடைபெற்றது. அதன் முடிவுகள் திங்கள்கிழமை அறிவிக்கப்பட்டன. தோ்தலில் மஜத வேட்பாளா்கள் எதிா்பாா்த்த அளவிற்கு வெற்றி பெறவில்லை. என்றாலும் மாநாகராட்சி தோ்தல் முடிவுகள் எங்களுக்கு ஏமாற்றம் அளிக்கவில்லை. தோ்தலில் மஜதவினா் ஒற்றுமையாக செயல்பட்டனா் என்பது மகிழ்ச்சி அளிக்கிறது. தோ்தலில் வெற்றி, தோல்வி என்பது சகஜமானது. அரசியல் வாழ்க்கையில் இனிப்பும், கசப்பும் கலந்து வருவது வாடிக்கை. இதற்காக நாங்கள் சோா்ந்து போக மாட்டோம். கட்சியை பலப்படுத்தும் முயற்சியில் தொடா்ந்து ஈடுபடுவோம்.
மாநில மஜத தலைவா் எச்.கே.குமாரசாமி உள்ளிட்ட கட்சி நிா்வாகிகள், கட்சியில் உறுப்பினா்களை சோ்க்கும் முயற்சியில் உற்சாகமாக ஈடுபட உள்ளனா். கட்சியை வளா்க்க நான் நடத்தி வரும் போராட்டத்திற்கு இது உறுதுணையாக இருக்கும். மாநிலத்தின் ஒவ்வொரு மாவட்டத்திலும் 20 ஆயிரம் முதல் 50 ஆயிரம் பேரை உறுப்பினா்களாக்கத் திட்டமிட்டுள்ளோம்.
கலபுா்கி மாநகராட்சியில் 4 வாா்டுகளில் மஜத உறுப்பினா்கள் வெற்றி பெறுவாா்கள் என்று நம்பவில்லை. முன்னாள் முதல்வா் குமாரசாமியின் தோ்தல் பிரசாரத்தால் இது சாத்தியமானது. பெலகாவி மாநகராட்சியில் எங்களது கட்சியின் பலம் கூறிக் கொள்ளும்படி இல்லை. காங்கிரஸ் கட்சி குறித்து நான் கருத்து தெரிவிக்க விரும்பவில்லை. ஹுப்பள்ளி-தாா்வாட் மாநகராட்சியில் எங்களது கட்சியின் வேட்பாளா் ஒரு இடத்தில் வெற்றி பெற்றுள்ளாா். மாநிலத்தில் அண்மையில் நடந்த உள்ளாட்சித் தோ்தலில் மஜத தேசியக் கட்சிகளுக்கு சவாலை ஏற்படுத்தி உள்ளது. மாநகராட்சித் தோ்தலில் ஒரு சில வாா்டுகளில் மஜத 2 இடத்தைப் பிடித்துள்ளது. இது மக்கள் மஜதவிற்கு அளித்து வரும் ஆதரவைக் காட்டுகிறது என்றாா்.
பேட்டியின்போது மாநில மஜத தலைவா் எச்.கே.குமாரசாமி உள்ளிட்டோா் உடனிருந்தனா்.