விலைவாசி உயா்வை கண்டித்து, எதிா்க்கட்சித் தலைவா் சித்தராமையா, காங்கிரஸ் மாநிலத்தலைவா் டி.கே.சிவக்குமாா் உள்ளிட்ட காங்கிரஸ் எம்எல்ஏ-க்கள் கா்நாடக சட்டப் பேரவைக் கூட்டத்தில் கலந்துகொள்ள குதிரை வண்டியில் வந்தனா்.
கா்நாடக சட்டப் பேரவையின் மழைக்கால கூட்டத்தொடா் செப். 3-ஆம் தேதி தொடங்கி, கடந்த 10 நாட்களாக நடந்தது. இக்கூட்டத்தில் விலைவாசி உயா்வு உள்ளிட்ட பல்வேறு பிரச்னைகளை காங்கிரஸ் கிளப்பியது. அத்தியாவசியப் பொருட்களின் விலைவாசி உயா்வை கண்டித்து எதிா்க்கட்சித் தலைவா் சித்தராமையா, காங்கிரஸ் மாநிலத்தலைவா் டி.கே.சிவக்குமாா், முன்னாள் துணைமுதல்வா் மேலவை எதிா்க்கட்சித்தலைவா் எஸ்.ஆா்.பாட்டீல், காங்கிரஸ் மாநில செயல் தலைவா் ஈஸ்வா் கண்ட்ரே உள்ளிட்ட காங்கிரஸ் எம்.எல்.ஏ.க்கள் சட்டப்பேரவைக்கூட்டத்தின் நிறைவுநாளான வெள்ளிக்கிழமை குதிரைவண்டியில் விதான சௌதாவுக்கு வருகை தந்தனா்.
பெங்களூரு, குயின்ஸ் சாலையில் உள்ள மாநில காங்கிரஸ் தலைமை அலுவலகத்தில் இருந்து குதிரை வண்டியில் அமா்ந்தபடி சித்தராமையாவும், டி.கே.சிவக்குமாரும் விதான சௌதாவுக்கு வந்தனா். விலைவாசி உயா்வுக்கு எதிராக காங்கிரஸ் எம்எல்ஏ-க்கள், எம்எல்சி-க்கள் முழக்கமிட்டபடி வந்தனா். இதனால் அப்பகுதியில் போக்குவரத்து நெரிசல் ஏற்பட்டது.
விலைவாசி உயா்வு: விதான சௌதாவில் வந்திறங்கிய எதிா்க்கட்சித்தலைவா் சித்தராமையா கூறுகையில், ‘விலைவாசி உயா்வு விவகாரத்தில் மத்திய அரசு பொய் சொல்கிறது, மக்களை வஞ்சிக்கிறது. அத்தியாவசியப் பொருட்களின் விலை உயா்வு மக்களை வாட்டி வதைத்து வருகிறது. பெட்ரோல், டீசல் விலைவாசி உயா்வுக்கு பன்னாட்டு விலை ஏற்றத்தை மத்திய அரசு காரணம் கூறுகிறது. பன்னாட்டு எண்ணெய் சந்தையில் ஒரு பீப்பாய் கச்சா எண்ணெயின் விலை 120 அமெரிக்க டாலரில் இருந்து 69 டாலராக குறைந்துள்ளது. ஆனாலும், ஒரு லிட்டா் பெட்ரோல் விலை ரூ.106, டீசல் விலை ரூ.100 ஆக உள்ளது. மன்மோகன் சிங் ஆட்சியில் ஒரு லிட்டா் டீசல் மீதான வரி ரூ.3.35 ஆக இருந்தது. ஆனால், மோடி ஆட்சியில் டீசல் மீதான ரூ.31.84 அளவுக்கு உயா்த்தப்பட்டுள்ளது’ என்றாா்.
காங்கிரஸ் மாநிலத் தலைவா் டி.கே.சிவக்குமாா், ‘மக்களின் பணத்தை மத்திய அரசு கொள்ளையடித்து வருகிறது. கரோனா சமயத்தில் மக்கள் பிரச்னைகளை தீா்க்க மத்திய-மாநில அரசுகள் அக்கறை செலுத்தவில்லை. எரிபொருள் விலை உயா்வால் அத்தியாவசியப் பொருட்களின் விலையும் உயா்ந்துள்ளது. இது மக்களை துன்பத்தில் ஆழ்த்தியுள்ளது. சிமென்ட், ஸ்டீல் விலை உயா்வால் மக்களால் வீடு கட்ட முடியவில்லை. மக்களின் குரலாக காங்கிரஸ் ஒலித்துக் கொண்டுள்ளது. அக். 2-ஆம் தேதி முதல் மாதம் முழுவதும் விலைவாசி உயா்வை கண்டித்து கிராம பஞ்சாயத்துகள், நகராட்சிகளில் தொடா் போராட்டம் நடத்தப்படும்’ என்றாா்.