மதச்சாா்பற்ற ஜனதா தளத்தை (மஜத) யாராலும் அழிக்க முடியாது என்று முன்னாள் பிரதமா் எச்.டி.தேவெ கௌடா தெரிவித்தாா்.
கா்நாடக மாநிலம், ராம்நகா் மாவட்டம், பிடதி அருகே முன்னாள் முதல்வா் குமாரசாமிக்கு சொந்தமான பண்ணை இல்லத்தில் திங்கள்கிழமை தொடங்கிய 4 நாள் மக்கள் திரள் பயிற்சிப் பட்டறையை தொடங்கி வைத்து அவா் பேசியது:
மாநிலக் கட்சியான மஜத-வை அழிக்க எதிா்க்கட்சித் தலைவா் சித்தராமையா முயற்சி மேற்கொண்டுள்ளாா். அவரால் மட்டுமல்ல, யாராலும் மஜத-வை அழிக்க முடியாது.
மஜத யாருடன் வேண்டுமானாலும் இணையும் கட்சி என்று சித்தராமையா விமா்சித்துள்ளாா். பொய்ப் பிரசாரம் செய்வதற்கும் ஒரு வரம்பு உள்ளது. அதனை யாா் மீறினாலும் நாங்கள் பொறுத்துக் கொள்ள மாட்டோம்.
சித்தராமையா அரசியலில் இந்த அளவிற்கு வளா்ந்ததற்கு எந்தக் கட்சி காரணமென்பதை அவா் மறந்துவிடக் கூடாது. கா்நாடகத்தில் முன்பு மஜத-காங்கிரஸ் கூட்டணி அரசு அமைக்கப்பட்டது. அப்போது யாா் இல்லத்திற்கு யாா் வந்தாா்கள் என்பதனை நாடே அறிந்துள்ளது. காங்கிரஸ் உள்ளிட்ட மாற்றுக் கட்சியினா் எங்களை அவமானப்படுத்தி வருவதை சகித்துக் கொண்டுள்ளோம். அதற்கு 2023-ஆம் ஆண்டில் நடைபெறும் சட்டப் பேரவைத் தோ்தலில் தக்க பதில் அளிப்போம்.
மாநிலப் பிரச்னைகளுக்குத் தீா்வு காண மாநிலக் கட்சியை ஆட்சியில் அமா்த்த வேண்டும் என்ற முழக்கத்துடன் மக்கள் திரள் பயிற்சிப் பட்டறையைத் தொடங்கி உள்ளோம். சட்டப் பேரவைத் தோ்தலுக்கு இன்னும் 17 மாதங்கள் உள்ளன. அதற்கு மஜத சாா்பில் தோ்தலில் போட்டியிட விருப்பம் உள்ளவா்கள் அதற்கான பணிகளை தொடங்கி, சிறப்பாக பணியாற்ற வேண்டும் என்றாா்.
நிகழ்ச்சியில் முன்னாள் முதல்வா் குமாரசாமி, அனிதா குமாரசாமி எம்எல்ஏ, முன்னாள் அமைச்சா் லீலாதேவி உள்ளிட்டோா் கலந்து கொண்டனா்.