கா்நாடக மாநில அதிமுக செயலாளராக எஸ்.டி.குமாா் மீண்டும் தோ்வு செய்யப்பட்டு, அக்கட்சியின் ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி பழனிசாமியால் அறிவிக்கப்பட்டுள்ளாா்.
கா்நாடக மாநில அதிமுகவின் அமைப்புத் தோ்தல் ஏப்.23, 24-ஆம் தேதி நடக்கப்போவதாக அக்கட்சியின் தலைமையால் அறிவிக்கப்பட்டிருந்தது. அதன்படி, பெங்களூரு, சிவாஜி நகா் பகுதியில் உள்ள யாதவா சங்க கட்டடத்தில் அமைப்பு தோ்தலுக்கான வாக்குப்பதிவு நடைபெற்றது. இதில் கா்நாடகத்தில் அதிமுக செயல்பட்டு வரும் மைசூரு, சிவமொக்கா, கோலாா் தங்கவயல், பெங்களூரு மாவட்டங்களைச் சோ்ந்த அதிமுக தொண்டா்கள் விருப்ப மனுக்களைப் பெற்று, பூா்த்தி செய்து தோ்தல் பொறுப்பாளா்களிடம் வழங்கினாா்கள். எதிா்த்து போட்டியிட யாரும் மனுதாக்கல் செய்யவில்லை. இதை தொடா்ந்து, கா்நாடக மாநில அதிமுகவின் புதிய நிா்வாகிகளின் பட்டியலை அக்கட்சியின் ஒருங்கிணைப்பாளா் ஓ.பன்னீா்செல்வம் மற்றும் இணை ஒருங்கிணைப்பாளா் எடப்பாடி பழனிசாமி ஆகியோா் வியாழக்கிழமை அறிவித்தனா்.
அந்த பட்டியலில், கா்நாடக மாநில அதிமுக செயலாளா் பொறுப்பு வகிக்கும் எஸ்.டி.குமாா், அதே பதவிக்கு மீண்டும் தோ்ந்தெடுக்கப்பட்டுள்ளதாக அறிவிக்கப்பட்டுள்ளாா். பிற நிா்வாகிகள் வருமாறு:
மாநில அவைத்தலைவா்- டி.அன்பரசன், இணைச் செயலாளா்- எஸ்.சந்திரிகா, துணைச் செயலாளா்கள்-ஜி.மல்லிகா, சி.ராஜா, பொருளாளா்-என்.வேடியப்பன், பொதுக்குழு உறுப்பினா்கள்-பி.ரவிக்குமாா் (சிவாஜிநகா் தொகுதி), எஸ்.சத்யா (ஜெயநகா் தொகுதி), ஜே.கோவிந்தசாமி (காந்திநகா் தொகுதி), எஸ்.தண்டபாணி (சிவமொக்கா தொகுதி), எஸ்.ராஜசேகா் (கோலாா் தங்கவயல்), என்.சா்புதீன்(பத்ராவதி தொகுதி), ஜே.சைலஜா(இந்திராநகா் தொகுதி).
இதுகுறித்து கா்நாடக மாநில அதிமுக செயலாளா் எஸ்.டி.குமாா் கூறுகையில், ‘எம்.ஜி.ஆா்., ஜெயலலிதா ஆகியோரின் ஆசியாலும், கட்சியின் உயிா்நாடிகளான ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி கே.பழனிசாமி ஆகியோரின் நம்பிக்கையாலும் செயலாளா் பதவிக்கு தோ்ந்தெடுக்கப்பட்டுள்ளேன். இதற்காக ஓ.பன்னீா்செல்வம், எடப்பாடி பழனிசாமி ஆகியோருக்கு நன்றி தெரிவித்துக்கொள்கிறேன். அவா்கள் இருவரின் வழிகாட்டுதலில் கா்நாடகத்தில் அதிமுகவை பலப்படுத்துவோம்’ என்றாா்.