பாலியல் குற்றச்சாட்டுகளில் இருந்து நிரபராதியாக வெளியே வருவேன் என்று முருகா மடத்தின் பீடாதிபதி சிவமூா்த்தி சரணரு சுவாமிகள் தெரிவித்தாா்.
சித்ரதுா்காவில் உள்ள முருகா மடத்தின் சாா்பில் நடத்தப்படும் விடுதியில் படித்துவரும் இரு மாணவிகள் அளித்த குற்றச்சாட்டின்பேரில் அம்மடத்தின் பீடாதிபதி சிவமூா்த்தி சரணரு சுவாமிகள் மீது போக்சோ சட்டத்தின்கீழ் வழக்கு தொடரப்பட்டது. இது கா்நாடகத்தில் பெரும் அதிா்வலைகளை எழுப்பியது. இந்தக் குற்றச்சாட்டுக்குப் பிறகு முதல்முறையாக மடத்திற்கு திங்கள்கிழமை வந்த பீடாதிபதி சிவமூா்த்தி சரணரு சுவாமிகள், செய்தியாளா்களிடம் கூறியது:
முருகா மடத்தின் வலியை உங்கள் (பக்தா்கள்) வலியாக உணா்கிறீா்கள் என்பதை நான் அறிவேன். துணிச்சலோடு மடத்திற்கு நான் வந்திருக்கிறேன். எனவே, கவலைப்படும் அவசியம் எதுவும் இல்லை. துணிவு, பொறுமை, அறிவுக்கூா்மை ஆகியவற்றுடன் ஒன்றுபட்டு பிரச்னையை எதிா்கொண்டு, தீா்வு காண்போம்.
கடந்த 15 ஆண்டுகளாகவே எனக்கு எதிராக மடத்தில் உள்ள சிலரால் சதி நடத்தப்பட்டு வருகிறது. தற்போதைய குற்றச்சாட்டு ஒன்றும் புதிதல்ல. மடத்திற்குள் நடந்துவந்த சதி, தற்போது வெளிப்படையாக நடத்தப்படுகிறது. எல்லா பிரச்னைகளுக்கும் இறுதித் தீா்வு உண்டு. இப்பிரச்னைக்குத் தீா்வுகாண பக்தா்களாகிய உங்களின் ஒத்துழைப்பு தேவைப்படுகிறது.
முருகா மடத்தின் பீடாதிபதியாக, நமது நாட்டின் சட்டத்தை நான் மதிக்கிறேன். இந்த வழக்கைப் பொருத்தவரை எல்லாவகையான ஒத்துழைப்பையும் அளிப்பேன். இதில் இருந்து தப்பியோடும் பேச்சுக்கே இடமில்லை. இந்த விவகாரத்தில் எவ்வித ஊகங்களுக்கும் இடமளிக்க தேவையில்லை. எனக்கு எதிராக நடத்தப்படும் பொய்ப் பிரசாரங்களுக்கு பக்தா்கள் செவிசாய்க்கக் கூடாது.
நீதி கேட்டு வந்த பலருக்கு முருகா மடம் நீதிமன்றம் போல செயல்பட்டுள்ளது. எனவே, இந்தவழக்கில் இருந்து நிரபராதியாக வெளியே வருவேன். யாரும் பொறுமையிழக்க வேண்டாம் என்று கேட்டுக் கொள்கிறேன். இந்த இக்கட்டான காலகட்டத்தில் எனக்கும், மடத்திற்கும் ஆதரவாக இருக்கும் நல்லவா்களை வணங்குகிறேன் என்றாா்.
இந்த வழக்கில் உண்மையில்லை என்று கா்நாடக முன்னாள் முதல்வா் எடியூரப்பா கருத்து தெரிவித்திருந்தாா். இதனிடையே, இந்த வழக்கில் சட்டம் தன் கடமையைச் செய்யும் என்று முதல்வா் பசவராஜ் பொம்மை தெரிவித்தாா்.
இந்த வழக்கை விசாரித்துவரும் சித்ரதுா்கா காவல்நிலையத்தினா், பாதிக்கப்பட்ட இரு மாணவிகளுடன் முருகா மடத்திற்கு திங்கள்கிழமை சென்று குற்றம் நடந்ததாகக் கூறப்படும் இடத்தை ஆய்வுசெய்தனா். இதனிடையே, இந்த வழக்கில் முன் ஜாமீன் கேட்டு முருகா மடத்தின் பீடாதிபதி சிவமூா்த்தி சரணரு சுவாமிகள் நீதிமன்றத்தில் மனு தாக்கல் செய்துள்ளாா்.