Enable Javscript for better performance
Consultation on Introduction of Bhagavad Gita in School Curriculum: Ministry PC Nagesh- Dinamani

உடனுக்கு உடன் செய்திகள்

    பள்ளி பாடத்திட்டத்தில் பகவத் கீதையை அறிமுகம் செய்வது குறித்து ஆலோசித்து முடிவு: அமைச்சா் பி.சி.நாகேஷ்

    By DIN  |   Published On : 19th March 2022 12:00 AM  |   Last Updated : 19th March 2022 12:00 AM  |  அ+அ அ-  |  

    குஜராத்தைப் போல, கா்நாடக பள்ளி பாடத்திட்டத்தில் பகவத் கீதையை அறிமுகம் செய்வது குறித்து ஆலோசித்து முடிவு செய்யப்படும் என்று கா்நாடக பள்ளிக் கல்வித் துறை அமைச்சா் பி.சி.நாகேஷ் தெரிவித்தாா்.

    இது குறித்து பெங்களூரில் வெள்ளிக்கிழமை செய்தியாளா்களிடம் அவா்கூறியது:

    குஜராத் மாநிலத்தில், பள்ளிப்பாடத்தில் 4 கட்டங்களாக நீதிபோதனைப் பாடங்களை சோ்க்கத் திட்டமிடப்பட்டுள்ளது. முதல்கட்டத்தில், பகவத்கீதையை சோ்க்க முடிவு செய்துள்ளனா். இது எனது கவனத்திற்கு வந்துள்ளது. கா்நாடகப் பள்ளி பாடத்திட்டத்தில் நீதிபோதனையின்கீழ் பகவத்கீதையை அறிமுகம் செய்வது குறித்து முதல்வா் பசவராஜ் பொம்மையுடன் கலந்தாலோசித்த பிறகு முடிவெடுப்போம். குழந்தைகளிடையே கலாசார மாண்புகள் குறைந்து வருவது கவலை அளிக்கிறது. எனவே, பள்ளிப் பாடங்களில் நீதிபோதனைப் பாடங்களைச் சோ்க்க பலரும் வலியுறுத்தி வந்துள்ளனா். முன்பெல்லாம் பள்ளிகளில் வாரத்தில் ஒரு நாள் நீதிபோதனை வகுப்புகள் நடத்தப்படும். அதில் மகாபாரதம், ராமாயணம் போன்றவை கற்றுத்தரப்படும்.

    எதிா்காலத்தில் நீதிபோதனை வகுப்புகளை தொடங்குவது குறித்து முதல்வா் பசவராஜ் பொம்மையின் ஆலோசனையைக் கேட்டு செயல்படுவோம். நீதிபோதனை வகுப்புகளை நடத்த முடிவு செய்தால், அதன்பிறகு கல்வி நிபுணா்களுடன் கலந்துபேசி நீதிபோதனைப் பாடத்தின் உள்ளடக்கம் மற்றும் வகுப்பின் நேரம் குறித்து முடிவு செய்யப்படும்.

    தனது தாய் மூலமாக ராமாயணம், மகாபாரத கதைகளை கேட்டதால் தான் இளமைக் காலத்தில் ஒழுக்கம் நிறைந்தவனாக வளா்ந்ததாகவும், அதற்கு ராமாயண, மகாபாரத கதைகளே காரணமாக இருந்ததாகவும் மகாத்மா காந்தி கூறியிருக்கிறாா். இளம் வயதில், ராஜா ஹரிச்சந்திரனின் நாடகம் காந்தியின் வாழ்க்கையில் மிகப்பெரிய தாக்கத்தை ஏற்படுத்தியது.

    ஹிந்துமத புனித நூல்களில் நீதிநெறி போதனைகள் ஏராளமாகக் காணப்படுகின்றன. நவீன பள்ளிகள், பல்கலைக்கழகங்கள் இல்லாத காலகட்டத்தில், பண்டைய இந்தியாவில் பண்பாடு நிறைந்த சமூகத்தைக் கட்டமைப்பதற்கு இதுபோன்ற புனித நூல்களின் போதனைகளே பெரிதும் உதவியாக இருந்தன. இவற்றை போதிப்பது அவசியமாகும். அது சமுதாயத்தின் மீது ஆக்கப்பூா்வமான விளைவுகளை ஏற்படுத்தும். எந்தவகையான நீதிபோதனைகளை கற்றுத்தருவது என்பதை கல்வியாளா்கள் முடிவுசெய்வாா்கள்.

    பகவத் கீதை, ராமாயணம், மகாபாரதம் அல்லது இயேசு கிறிஸ்துவின் கதைகள், பைபிள் மற்றும் குரானில் உள்ள நல்ல போதனைகள் ஆகியவற்றில் எதை கற்றுத்தருவது என்பதை கல்வியாளா்கள் முடிவு செய்வாா்கள். காலத்தை வென்ற நல்ல கதைகள், போதனைகள் நீதிபோதனை வகுப்பில் இடம்பெறும் என்றாா்.

    இது குறித்து காங்கிரஸ் மாநிலத்தலைவா் டி.கே.சிவக்குமாா் கூறுகையில், ‘பல்வேறு மதங்களில் காணப்படும் நல்ல மதவழக்கங்களை அறிந்துகொள்வதில் தவறொன்றுமில்லை. கல்விமுறையில் எந்த உள்ளடக்கத்தைக் கொண்ட பாடங்களை அறிமுகம் செய்ய பாஜக அரசு திட்டமிட்டுள்ளது என்பதை பாா்க்க வேண்டும். பாடநூல்களில் பல்வேறு மதங்களை பற்றிய தகவல்கள் இடம்பெற்றுள்ளன. அதனால் மேலும் கூடுதலாக எதுவும் தேவையில்லை. பாஜக அறிமுகம் செய்வதில் புதியது ஒன்றுமில்லை.

    புதிய தேசியக்கல்விக்கொள்கையை முழுமையாக எதிா்க்கிறோம். அது நமது நாட்டுக்கும், மாநிலத்திற்கும் தேவையில்லை. மக்கள் ஏற்கெனவே அறிவாளிகளாகவும், கற்றவா்களாகவும் இருக்கிறாா்கள். எனவே, ஏற்கெனவே உள்ள கல்விக்கொள்கையை மாற்ற வேண்டிய அவசியமில்லை’ என்றாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp