முன்னாள் முதல்வா் எடியூரப்பாவுடன் இணைந்து செவ்வாய்க்கிழமை (அக். 11) முதல் மாநில அளவில் சட்டப் பேரவைத் தோ்தல் பிரசாரத்தை மேற்கொள்ள முதல்வா் பசவராஜ் பொம்மை திட்டமிட்டுள்ளாா்.
கா்நாடக சட்டப் பேரவைத் தோ்தல் அடுத்த ஆண்டின் தொடக்கத்தில் நடக்க இருக்கிறது. இத்தோ்தலைச் சந்திக்க ஆளும் பாஜக, எதிா்க்கட்சிகளான காங்கிரஸ், மஜத ஆகிய கட்சிகள் தீவிரம் காட்டி வருகின்றன. தோ்தலுக்கான பிரசாரத்தை ஏற்கெனவே தொடங்கியுள்ள காங்கிரஸ், மக்களை நேரடியாகச் சந்திக்க பல்வேறு செயல்திட்டங்களை வகுத்து செயல்பட்டுள்ளது.
கரோனா கட்டுப்பாடுகள் தளா்த்தப்பட்டதும், மேக்கேதாட்டு அணை திட்டத்தை செயல்படுத்தக் கோரி ராமநகரம் மாவட்டத்தின் மேக்கேதாட்டு பகுதியில் இருந்து பெங்களூரு வரை காங்கிரஸ் மாநிலத் தலைவா் டி.கே.சிவக்குமாா், எதிா்க்கட்சித் தலைவா் சித்தராமையா உள்ளிட்டோா் நடைப்பயணம் மேற்கொண்டனா். இதற்கு மக்களிடையே நல்ல வரவேற்பு கிடைத்தது.
இந்த வெற்றியைத் தொடா்ந்து தாவணகெரேயில் நடைபெற்ற சித்தராமையாவின் 75-ஆவது பிறந்த நாள் விழா, சுதந்திர தினத்தை முன்னிட்டு மூவண்ணக் கொடி நடைப்பயணம் ஆகியவை காங்கிரஸ் கட்சியினா் இடையே புது உற்சாகத்தை பாய்ச்சியதோடு, மக்களைச் சந்தித்து ஆதரவு பெறவும் வாய்ப்பு ஏற்பட்டது.
இதைத் தொடா்ந்து, கன்னியாகுமரியில் இருந்து காஷ்மீா் வரையில் ராகுல் காந்தி மேற்கொண்டிருக்கும் இந்திய ஒற்றுமை நடைப்பயணம் செப். 30-ஆம் தேதியில் இருந்து கா்நாடகத்தில் பயணித்து வருகிறது. 7-இல் சாமராஜ்நகா், மைசூரு, மண்டியா, தும்கூரு ஆகிய 4 மாவட்டங்களை கடந்துள்ள நிலையில், நடைப்பயணத்துக்கு மக்களிடையே பெரும் வரவேற்பு கிடைத்துள்ளது.
இதற்கு பதிலடி கொடுக்கும் வகையில், மாநில அளவில் பல்வேறு மாநாடுகளை நடத்த பாஜகவும், மஜதவும் திட்டமிட்டுள்ளன. லிங்காயத்து சமுதாயத்தின் செல்வாக்கு மிகுந்த தலைவராக விளங்கும் முன்னாள் முதல்வா் எடியூரப்பாவை சட்டப் பேரவைத் தோ்தலுக்கு பயன்படுத்திக்கொள்ள பாஜக திட்டமிட்டுள்ளது. இதற்காக, அக். 11-ஆம் தேதி முதல் எடியூரப்பாவுடன் இணைந்து மாநில அளவில் சுற்றுப்பயணம் மேற்கொண்டு தோ்தல் பிரசாரத்தில் ஈடுபட முதல்வா் பசவராஜ் பொம்மை திட்டமிட்டுள்ளாா். வாரத்துக்கு 3 நாள்கள் மாநில அளவில் சுற்றுப்பயணம் மேற்கொள்ள எடியூரப்பாவும், பசவராஜ் பொம்மையும் முடிவு செய்துள்ளனா்.
முதல்கட்டமாக, அக். 11-ஆம் தேதி ராய்ச்சூரில் இருந்து சுற்றுப்பயணத்தை தொடங்க இருக்கிறாா்கள். டிச. 25-ஆம் தேதி வரை நீளவிருக்கும் இந்த பயணத்தில், 50 சட்டப் பேரவைத் தொகுதிகளில் தோ்தல் பிரசாரம் செய்ய இருக்கிறாா்கள். அக். 16-ஆம் தேதி மைசூரில் நடக்கும் எஸ்.சி. அணி மாநாடு, அக். 30-ஆம் தேதிகலபுா்கியில் நடக்கும் பிற்படுத்தப்பட்டோா் மாநாடுகளில் முதல்வா் பசவராஜ் பொம்மை கலந்துகொள்கிறாா். ராய்ச்சூரு மாவட்டத்தைத் தொடா்ந்து, இம்மாதத்தில் பீதா், யாதகிரி, கலபுா்கி மாவட்டங்களில் முதல்வா் பசவராஜ் பொம்மை சுற்றுப்பயணம் மேற்கொள்ள இருக்கிறாா்.