தோ்தல் பிரசாரத்துக்காக கா்நாடகம் சென்ற தமிழக பாஜக தலைவா் அண்ணாமலை பயணித்த ஹெலிகாப்டா், வாகனங்களில் தோ்தல் அதிகாரிகள் சோதனை செய்தனா்; எனினும், இச்சோதனையில் எதுவும் சிக்கவில்லை என்று தோ்தல் அதிகாரி விளக்கம் அளித்துள்ளாா்.
கா்நாடகத்தில் மே 10-ஆம் தேதி நடைபெறும் பேரவைத் தோ்தலில் பாஜகவின் இணைத் தோ்தல் பொறுப்பாளராக தமிழக பாஜக தலைவா் அண்ணாமலை செயல்பட்டு வருகிறாா். இதற்காக கா்நாடகத்தின் பெரும்பாலான பகுதிகளில் அவா் தோ்தல் பணியில் தீவிரமாக ஈடுபட்டுள்ளாா். தென் கன்னடம், உடுப்பி மாவட்டங்களில் திங்கள்கிழமை சுற்றுப்பயணம் மேற்கொண்டிருந்தாா். குறிப்பாக உடுப்பி மாவட்டத்தின் காப்புத் தொகுதியில் பிரசாரம் செய்தாா்.
அவரின் பிரசாரத்தை மறைமுகமாகச் சாடி காப்புத் தொகுதி காங்கிரஸ் வேட்பாளா் வினய்குமாா் சொரகே கூறுகையில், ‘உடுப்பி மாவட்ட மக்களுக்கு விநியோகிப்பதற்காக தமிழக பாஜக தலைவா் அண்ணாமலை தான் பயணித்த ஹெலிகாப்டரில் பெருந்தொகையைக் கொண்டு வந்தாா்’ என்று குற்றம்சாட்டியிருந்தாா்.
இந்தக் குற்றச்சாட்டை உடுப்பி மாவட்ட தோ்தல் அதிகாரி சீதா முழுமையாக மறுத்தாா். இதுகுறித்து அவா் கூறியதாவது:
தமிழக பாஜக தலைவா் கே.அண்ணாமலை திங்கள்கிழமை காலை 9.55 மணிக்கு ஹெலிகாப்டரில் உடுப்பிக்கு வந்தாா். அண்ணாமலை பயணித்த ஹெலிகாப்டா், அவா் கொண்டு வந்த பைகளை தோ்தல் அதிகாரிகள் சோதனை செய்தனா்.
நண்பகல் 2 மணி அளவில் கடியால் அருகேயுள்ள ஓஷன்பொ்ல் உணவு விடுதிக்கு அண்ணாமலை வந்தாா். அப்போதும், அவரது வாகனத்தை தோ்தல் அதிகாரிகள் சோதனை செய்தனா். ஆனால், தோ்தல் நடத்தை விதிகளை மீறும் வகையில் எவ்வித பொருட்களும் அவரது வாகனங்களில் கிடைக்கவில்லை’ என்றாா்.