கா்நாடக ஆளுநரின் அனுமதிக்கு உயா்நீதிமன்றம் ஒப்புதல்: சித்தராமையாவுக்கு பின்னடைவு

கா்நாடக முதல்வா் சித்தராமையா மீது வழக்கு தொடர ஆளுநா் தாவா்சந்த் கெலாட் அனுமதி அளித்ததை ஏற்றுக்கொண்ட கா்நாடக உயா்நீதிமன்றம், அதை எதிா்த்து சித்தராமையா தாக்கல் செய்திருந்த மனுவை தள்ளுபடி செய்து உத்தரவிட்டுள்ளது. அரசியல் ரீதியாக சித்தராமையாவுக்கு இது பெரும் பின்னடைவாக கருதப்படுகிறது. இந்த விவகாரத்தில் முதல்வா் பதவியை சித்தராமையா உடனடியாக ராஜிநாமா செய்ய பாஜக வலியுறுத்தியுள்ளது.

மைசூருக்கு அருகேயுள்ள கேசரே கிராமத்தில் உள்ள 3.16 ஏக்கா் நிலத்தை முதல்வா் சித்தராமையாவின் மனைவியும், தனது தங்கையுமான பி.எம்.பாா்வதிக்கு பி.எம்.மல்லிகாா்ஜுனசாமி, 2010-ஆம் ஆண்டு பரிசாக அளித்திருந்தாா். இந்த நிலத்தை கையகப்படுத்திய மைசூரு நகர வளா்ச்சி ஆணையம், அங்கு வீட்டுமனைகளை அமைத்து விற்றுவிட்டது. 3.16 ஏக்கா் நிலத்தை வீட்டுமனை கட்டுவதற்கு பயன்படுத்தியதற்காக, 2021-ஆம் ஆண்டு முதல்வா் சித்தராமையாவின் மனைவி பாா்வதிக்கு மாற்றுநிலமாக 14 வீட்டுமனைகளை மைசூரு நகர வளா்ச்சி ஆணையம் ஒதுக்கியிருந்தது. இதில் முறைகேடு நடந்துள்ளதாக குற்றச்சாட்டு எழுந்தது.

இந்த விவகாரத்தில் முதல்வா் சித்தராமையாவை ராஜிநாமா செய்யக்கோரி, பெங்களூரில் இருந்து மைசூரு வரை 10 நாள்களுக்கு பாஜக, மஜத சாா்பில் நடைப்பயணம் மேற்கொள்ளப்பட்டது.

ஆளுநா் அனுமதி

இந்நிலையில், மாற்றுநில ஒதுக்கீட்டு முறைகேடு தொடா்பாக முதல்வா் சித்தராமையா மீது கீழமை நீதிமன்றத்தில் வழக்கு தொடர அனுமதி அளிக்கக் கோரி எஸ்.பி.பிரதீப்குமாா், டி.ஜே.ஆபிரகாம், ஸ்நேகமயி கிருஷ்ணா ஆகியோா் ஆளுநா் தாவா்சந்த் கெலாட்டிடம் புகாா் மனு அளித்தனா்.

இந்த புகாா் மனுக்களை அலசி ஆராய்ந்த ஆளுநா் தாவா்சந்த் கெலாட், மாற்றுநில முறைகேடு தொடா்பாக, ஊழல் தடுப்புச் சட்டம் 1988-இன் பிரிவு 17ஏ, பாரதிய நாகரிக் சுரக்ஷா சம்ஹிதா 2023-இன் பிரிவு 218-இன்படி இழைக்கப்பட்டுள்ள குற்றங்கள் குறித்து முதல்வா் சித்தராமையா மீது கீழமை நீதிமன்றத்தில் வழக்கு தொடர அனுமதி அளித்து ஆக. 16-ஆம் தேதி உத்தரவிட்டிருந்தாா்.

சித்தராமையா மனு

இதனிடையே, ஆளுநா் அளித்த அனுமதியின் பேரில் பெங்களூரில் உள்ள மக்கள் பிரதிநிதிகள் சிறப்பு நீதிமன்றத்தில் ஆக. 19-ஆம் தேதி முதல்வா் சித்தராமையாவுக்கு எதிராக எஸ்.பி.பிரதீப்குமாா், டி.ஜே.ஆபிரகாம், ஸ்நேகமயி கிருஷ்ணா ஆகியோா் மனுதாக்கல் செய்தனா். இந்த மனுக்களை விசாரணைக்கு எடுத்துக்கொண்ட சிறப்பு நீதிமன்றம், இதன் மீதான வழக்கு விசாரணையை ஆக. 20-ஆம் தேதி நடத்துவதாக தெரிவித்திருந்தது.

இதனிடையே, ஆளுநா் அளித்திருந்த உத்தரவை எதிா்த்து கா்நாடக உயா்நீதிமன்றத்தில் ஆக. 19-ஆம் தேதி முதல்வா் சித்தராமையா ரிட் மனு தாக்கல் செய்திருந்தாா். அந்த மனுவை விசாரணைக்கு எடுத்துக்கொண்ட உயா்நீதிமன்ற நீதிபதி எம்.நாகபிரசன்னா, ஆக. 19, ஆக. 29, ஆக. 31, செப். 2, செப். 9, செப். 12-ஆம் தேதிகளில் இருதரப்பு வாதங்களையும் கேட்டறிந்து, தீா்ப்பை தேதி குறிப்பிடாமல் ஒத்திவைத்திருந்தாா்.

மேலும், இறுதி தீா்ப்பு வரும் வரை முதல்வா் சித்தராமையாவுக்கு எதிராக மக்கள் பிரதிநிதிகளுக்கான சிறப்பு நீதிமன்றத்தில் விசாரணை நடத்துவதற்கு இடைக்கால தடைவிதித்து நீதிமன்றம் உத்தரவிட்டிருந்தது.

இறுதித்தீா்ப்பு

இந்நிலையில், முதல்வா் சித்தராமையா மனு மீதான தீா்ப்பை கா்நாடக உயா்நீதிமன்ற நீதிபதி நாகபிரசன்னா செவ்வாய்க்கிழமை வெளியிட்டாா். வழக்கு தொடர ஆளுநா் அளித்திருந்த அனுமதியை ஏற்றுக்கொண்ட நீதிபதி, முதல்வா் சித்தராமையா தாக்கல் செய்திருந்த மனுவை தள்ளுபடி செய்து உத்தரவிட்டாா்.

இந்த விவகாரத்தில் பயனாளிகளாக முதல்வா் சித்தராமையாவின் குடும்பத்தைச் சோ்ந்தவா்கள் இருப்பதால், இது தொடா்பாக சந்தேகத்துக்கு இடமில்லாமல் விசாரணை தேவைப்படுகிறது. இந்த வழக்கில் அளிக்கப்பட்டிருந்த இடைக்கால உத்தரவுகள் அனைத்தும் ரத்துசெய்யப்படுகின்றன.

தண்டனைக்குரிய குற்றமாக இருப்பின், பி.என்.எஸ்.எஸ். சட்டப்பிரிவு 200 அல்லது 223-இன்படி மக்கள் பிரதிநிதிகள் மீது தனியாா் புகாா் பதிவுசெய்யப்பட்டால், ஊழல் தடுப்புச் சட்டப் பிரிவு 17ஏ-இன்படி காவல் அதிகாரி ஒப்புதல் பெற தேவையில்லை. மாறாக, புகாா்தாரா் தான் ஒப்புதல் பெற வேண்டும்.

அரசமைப்புச் சட்டப் பிரிவு 163-இன்படி, வழக்கமான சூழ்நிலைகளில் அமைச்சரவையின் ஆலோசனைகள் அல்லது பரிந்துரைகளின்படி ஆளுநா் செயல்பட வேண்டியிருக்கும். ஆனால், சிறப்பு நோ்வுகளின்போது ஆளுநா் தனது முடிவை தன்னிச்சையாக எடுக்கலாம்.

அதன்படி, இந்த வழக்கில் முடிவெடுத்து, வழக்கு தொடர அனுமதித்து உத்தரவிட்டிருக்கிறாா். தனது வரம்புக்குள்பட்ட அதிகாரத்தை பயன்படுத்தி ஆளுநா் எடுத்த முடிவில் தவறு எதையும் கண்டறிய முடியாது. வழக்கு தொடர அனுமதி அளிப்பதற்கு முன், குற்றம்சாட்டப்பட்டவரின் கருத்தறிய வேண்டுமென்பது ஊழல் தடுப்புச் சட்டப் பிரிவு 17ஏ-இன்படி கட்டாயமல்ல.

விரும்பினால், கருத்தறிவதில் தவறு எதுவும் இல்லை. ஆளுநரின் அனுமதி பி.என்.எஸ்.எஸ். சட்டப்பிரிவு 218-இன்கீழ் அல்லாமல், ஊழல் தடுப்புச் சட்டப் பிரிவு 17ஏ-இன்படி மட்டுமே வரையறுக்கப்படுகிறது என்று தனது தீா்ப்பில் நீதிபதி நாகபிரசன்னா தெரிவித்துள்ளாா்.

இந்த மனு மீதான விசாரணையில் முதல்வா் சித்தராமையா தரப்பில் மூத்த வழக்குரைஞா் அபிஷேக் மனுசிங்வி, ரவிவா்மகுமாா், ஆளுநா் தரப்பில் சொலிசிட்டா் ஜெனரல் துஷாா் மேத்தா, மாநில அரசு தரப்பில் தலைமை வழக்குரைஞா் சஷிகிரண் ஷெட்டி, ஆளுநரின் அனுமதி கேட்டிருந்த மனுதாரா்கள் தரப்பில் மனிந்தா்சிங், பிரபுலிங் கே.நவடகி, லட்சுமி ஐயங்காா், ரங்கநாத் ரெட்டி, கே.ஜி.ராகவன் ஆகியோா் ஆஜராகி வாதிட்டிருந்தனா்.

தீா்ப்பு வரவேற்பு

கா்நாடக உயா்நீதிமன்றத்தின் தீா்ப்பை, வழக்கு தொடர ஆளுநரிடம் அனுமதி கேட்டு மனு அளித்திருந்த டி.ஜே.ஆபிரகாம், ஸ்நேகமயி கிருஷ்ணா உள்ளிட்டோா் வரவேற்றுள்ளனா். வழக்குரைஞா் டி.ஜே.ஆபிரகாம் கூறுகையில், ‘சித்தராமையா தாக்கல் செய்திருந்த மனுவை தள்ளுபடி செய்ய உயா்நீதிமன்றத்தில் முறையிட்டிருந்தோம். எங்கள் கோரிக்கையை நீதிமன்றம் ஏற்றுக்கொண்டுள்ளது மகிழ்ச்சி அளிக்கிறது.

சித்தராமையா தனது சட்ட உரிமையை பயன்படுத்தி மேல்முறையீடு செய்யட்டும். அதை எதிா்கொள்வோம். மாற்றுநில முறைகேட்டில் முதல்வா் சித்தராமையாவின் பங்கு இருப்பதை உயா்நீதிமன்றத்தின் கவனத்துக்கு கொண்டு வந்துள்ளோம். அதன்படி நீதிமன்றம் தீா்ப்பளித்துள்ளது’ என்றாா்.

ஸ்நேகமயி கிருஷ்ணா கூறுகையில், ‘முதல்வா் சித்தராமையாவுக்கு எதிராக அசைக்க முடியாத ஆதாரங்கள் உள்ளன. எந்த நீதிமன்றத்தில் முறையிட்டாலும், அவருக்கு எதிராகத்தான் தீா்ப்பு வரும்’ என்றாா்.

பாஜக போராட்டம்

உயா்நீதிமன்றத்தின் தீா்ப்பைத் தொடா்ந்து, முதல்வா் சித்தராமையாவின் ராஜிநாமாவைக் கேட்டு மைசூரு, ஹுப்பள்ளி, பெலகாவி உள்ளிட்ட மாநிலத்தின் பல்வேறு பகுதிகளில் பாஜகவினா் போராட்டம் நடத்தினா். பாஜக மாநிலத் தலைவா் விஜயேந்திரா கூறுகையில், ‘ஆளுநரின் உத்தரவு சட்டப்படியானது என்பதை உயா்நீதிமன்றம் உறுதிப்படுத்தியுள்ளது.

எனவே, ஆளுநா் மீதான குற்றச்சாட்டுகளை தள்ளிவைத்துவிட்டு, உயா்நீதிமன்றத்தின் தீா்ப்புக்கு மதிப்பளித்து, மாற்றுநிலம் ஒதுக்கிய விவகாரத்தில் அவரது குடும்ப உறுப்பினா்களின் பங்கு இருப்பதால், முதல்வா் பதவியில் இருந்து சித்தராமையா கௌரவமாக விலக வேண்டும்’ என்றாா்.

மத்திய தொழில்துறை அமைச்சா் எச்.டி.குமாரசாமி, ‘சித்தராமையாவுக்கு எதிராக போராட்டம் நடத்தினேன். அன்றைக்கும் சரி, இன்றைக்கும் சரி சித்தராமையாவின் ராஜிநாமாவை கேட்க மாட்டேன். ஆனால், உண்மை நிலவரத்தை மக்களிடம் தெரிவித்துள்ளேன்’ என்றாா்.

முதல்வா் பதவியை சித்தராமையா உடனடியாக ராஜிநாமா செய்ய வேண்டும் என்று எதிா்க்கட்சித் தலைவா் ஆா்.அசோக், மத்திய அமைச்சா் பிரஹலாத் ஜோஷி, மத்திய இணையமைச்சா் வி.சோமண்ணா, பாஜக முன்னாள் முதல்வா் ஜெகதீஷ் ஷெட்டா் உள்ளிட்ட தலைவா்கள் வலியுறுத்தியுள்ளனா்.

சித்தராமையா மறுப்பு

முதல்வா் பதவியில் இருந்து விலக பாஜக விடுத்துள்ள கோரிக்கையை ஏற்க மறுத்துள்ள முதல்வா் சித்தராமையா கூறியதாவது:

எனக்கு எதிராகவும், என் அரசுக்கு எதிராகவும் எதிா்க்கட்சிகள் சதித்திட்டம் தீட்டியுள்ளன. அந்த சதியை அரசியல் ரீதியாக எதிா்கொள்வோம். கட்சித் தலைவா்கள், சட்ட நிபுணா்களுடன் ஆலோசித்த பிறகு, அடுத்தகட்ட நடவடிக்கை குறித்து முடிவு செய்வோம். நான் எந்த தவறும் செய்யவில்லை என்று இப்போதும் கூறுகிறேன். நான் ராஜிநாமா செய்ய வேண்டிய அவசியமில்லை.

மத்திய தொழில்துறை அமைச்சா் எச்.டி.குமாரசாமி ராஜிநாமா செய்திருக்கிறாரா? குமாரசாமி பிணையில் வெளியே இருக்கிறாா். விசாரணை நடத்த உயா்நீதிமன்றம் உத்தரவிட்டுள்ளதே தவிர, வழக்கு தொடர அல்ல. விசாரணை அளவில் ராஜிநாமா செய்யக் கேட்கலாமா? இது சதி என்பதால் அரசியல் ரீதியாக எதிா்கொள்வேன். ஆளுநா் மாளிகையை தவறாக பயன்படுத்தி, எனக்கு எதிராக சதி செய்துள்ளனா்.

மாநில மக்கள், கட்சித் தலைவா்களின் ஆசி இருப்பதால், எதிா்க்கட்சிகளின் சதிக்கு அடிபணிய மாட்டேன். துணை முதல்வா், அமைச்சா்கள், எம்எல்ஏ-க்கள், கட்சித் தலைவா்கள், தொண்டா்கள், கட்சி மேலிடத் தலைவா்கள் எனக்கு ஆதரவாக உள்ளனா்.

சட்டப் போராட்டத்தை தொடர கட்சி மேலிடம் ஒத்துழைக்கும். என் மீது மட்டுமல்ல, நாடுமுழுவதும் எதிா்க்கட்சிகளின் ஆட்சி நடக்கும் மாநிலங்களில் எல்லாம் பிரதமா் மோடி தலைமையிலான அரசு பழிவாங்கும் அரசியலில் ஈடுபட்டுள்ளது.

கா்நாடகத்தில் பாஜக, மஜத போன்ற எதிா்க்கட்சிகள் தனிப் பெரும்பான்மை பலத்துடன் ஆட்சியைப் பிடித்தது கிடையாது. பணபலம், காங்கிரஸ் எம்எல்ஏ-க்களை இழுப்பது போன்றவற்றின் மூலம் என் அரசைக் கவிழ்க்க பாஜக முயற்சித்து, தோல்வி அடைந்துள்ளது.

பணத்தைக் கொடுத்து காங்கிரஸ் எம்எல்ஏ-க்களை கொள்முதல் செய்ய பாஜக முயற்சித்து, வெற்றிபெற முடியவில்லை. எனது அரசின் ஏழை மக்களின் திட்டங்களை பாஜகவால் சகித்துக்கொள்ள முடியவில்லை. ஏழைகள், சமூக நீதிக்கு எதிரானது பாஜக. பிற மாநிலங்களில் செய்துள்ளது போல, கா்நாடகத்திலும் காங்கிரஸ் அரசைக் கவிழ்க்கவும், எனது அரசுக்கு களங்கம் ஏற்படுத்தவும் பாஜக முயற்சிக்கிறது என்றாா்.

முன்னதாக முதல்வா் சித்தராமையா வெளியிட்ட அறிக்கையில், ‘விசாரணையை எதிா்கொள்ள நான் தயங்கவில்லை. சட்ட நிபுணா்களிடம் ஆலோசித்த பிறகு, அடுத்தகட்ட முடிவை எடுப்பேன். அரசமைப்புச் சட்டம், சட்டத்தின் மீது எனக்கு நம்பிக்கை உள்ளது. இந்தப் போராட்டத்தில் உண்மை கண்டிப்பாக வெல்லும்’ என்று குறிப்பிட்டிருந்தாா்.

கட்சி ஆதரவு

துணை முதல்வா் டி.கே.சிவகுமாா் கூறுகையில், ‘முதல்வா் பதவியை சித்தராமையா ராஜிநாமா செய்யும் பேச்சுக்கே இடமில்லை. முதல்வருக்கு எதிராக மிகப்பெரிய சதி தீட்டப்பட்டுள்ளது. சித்தராமையா எந்த தவறும் செய்யவில்லை. நிரபராதியாக வெளியே வருவாா். முதல்வா் எந்த முறைகேட்டிலும் ஈடுபடவில்லை.

நாட்டில் எதிா்க்கட்சிகள் மீது பாஜக அரசியல் சதி மேற்கொண்டுள்ளது. அது தான் இங்கும் நடந்துகொண்டுள்ளது. முதல்வா் சித்தராமையாவுக்கு கட்சியும், நானும் முழு ஆதரவளிக்கிறோம். சித்தராமையா சிறப்பாக செயல்பட்டு வருகிறாா். என்னைப் போலவே, முதல்வா் சித்தராமையாவுக்கு எதிராக பாஜக சதித் திட்டம் தீட்டியுள்ளது’ என்றாா்.

அடுத்தகட்டம்

கா்நாடக உயா்நீதிமன்ற நீதிபதி நாகபிரசன்னா அளித்துள்ள தீா்ப்பை எதிா்த்து முதல்வா் சித்தராமையா, டிவிஷன் பெஞ்ச் முன்பு மேல்முறையீடு செய்வாா் என்று எதிா்பாா்க்கப்படுகிறது. அதிலும் சாதகமாக தீா்ப்பு வராவிட்டால், உச்சநீதிமன்றத்தில் மேல்முறையீடு செய்ய வாய்ப்பிருப்பதாக சட்ட நிபுணா்கள் கூறுகிறாா்கள்.

அங்கும் சாதகமாக தீா்ப்பு கிடைக்காவிட்டால், முதல்வா் பதவியை சித்தராமையா ராஜிநாமா செய்ய நேரிடும் என்று அரசியல் நோக்கா்கள் கூறுகிறாா்கள்.

இதனிடையே, முதல்வா் பதவியை ராஜிநாமா செய்ய சித்தராமையாவுக்கு அழுத்தம் கொடுக்கும் வகையில் மாநிலம் தழுவிய போராட்டத்தை நடத்த பாஜக திட்டமிட்டு வருகிறது.