நீதிமன்றத்துக்கு அழைத்துச் செல்லப்பட்ட கைதி தப்பியோட்டம்

சென்னை அருகே நீதிமன்றத்துக்கு அழைத்துச் செல்லப்பட்டபோது தப்பியோடிய கைதியை போலீஸாா் தேடி வருகின்றனா்.

சென்னை அருகே சோழிங்கநல்லூா், செம்மஞ்சேரி உள்ளிட்ட பகுதிகளில் இரவு நேரங்களில் வீட்டின் முன்பும், பொது இடங்களிலும் நிறுத்தி வைக்கப்படும் இருசக்கர வாகனங்கள் தொடா்ச்சியாக திருடப்பட்டன. இது தொடா்பாக செம்மஞ்சேரி போலீஸாா் வழக்குப் பதிவு செய்து, விசாரணை செய்தனா். விசாரணையில் இத் திருட்டில் ஈடுபட்டது செம்மஞ்சேரி சுனாமி குடியிருப்பு பகுதியை சோ்ந்த வினித்குமாா் (28), சோழிங்கநல்லூா், பரமேஸ்வரன் நகா், 2-ஆவது தெருவை சோ்ந்த சரவணகுமாா் (எ) போதை பிரசாந்த் (26) என்பது தெரிய வந்தது.

இதையடுத்து போலீஸாா், இருவரையும் செவ்வாய்க்கிழமை கைது செய்தனா். அவா்களிடமிருந்து ஒரு திருட்டு மோட்டாா் சைக்கிளையும் கைப்பற்றினா்.

விசாரணைக்கு பின்னா் இருவரையும் நீதிமன்றத்தில் ஆஜா்படுத்துவதற்காக குரோம்பேட்டை அரசு மருத்துவமனைக்கு மருத்துவச் சான்றிதழ் பெற போலீஸாா் அழைத்துச் சென்றனா். அங்கு சான்றிதழ் பெற்ற பின்னா் இருவரையும் நீதிமன்றத்துக்கு அழைத்துச் சென்றபோது, வினித்குமாா் போலீஸாா் பிடியில் இருந்து கைவிலங்கோடு தப்பியோடினாா்.

இதையடுத்து செம்மஞ்சேரி காவல் நிலையம் சாா்பில் வினித்குமாரைப் பிடிக்க இரு தனிப்படை அமைக்கப்பட்டன. தனிப்படையினா், வினித்குமாரை தீவிரமாகத் தேடி வருகின்றனா்.