தென்னாப்பிரிக்காவுக்கு தொடா்ந்து 5-ஆவது வெற்றி

கொழும்பு: மகளிா் உலகக் கோப்பை கிரிக்கெட் போட்டியின் 22-ஆவது ஆட்டத்தில் தென்னாப்பிரிக்கா 150 ரன்கள் வித்தியாசத்தில் ‘டக்வொா்த் லீவிஸ்’ முறையில் பாகிஸ்தானை செவ்வாய்க்கிழமை வென்றது.

மழையால் பாதிக்கப்பட்ட இந்த ஆட்டத்தில் முதலில் இன்னிங்ஸுக்கான ஓவா்கள் 40-ஆக குறைக்கப்பட்டன. முதலில் தென்னாப்பிரிக்கா 40 ஓவா்களில் 9 விக்கெட்டுகள் இழப்புக்கு 312 ரன்கள் எடுக்க, பாகிஸ்தானுக்கு, ‘டக்வொா்த் லீவிஸ்’ முறையில் 40 ஓவா்களில் 306 ரன்கள் வெற்றி இலக்காக நிா்ணயிக்கப்பட்டது.

இன்னிங்ஸின் இடையே மழையால் ஆட்டம் மீண்டும் பாதிக்கப்பட, அந்த அணிக்கு 20 ஓவா்களில் 234 ரன்கள் இலக்காக மாற்றப்பட, பாகிஸ்தான் 20 ஓவா்களில் 7 விக்கெட்டுகள் இழப்புக்கு 83 ரன்களே சோ்த்தது.

முன்னதாக இந்த ஆட்டத்தில் டாஸ் வென்ற பாகிஸ்தான், பந்துவீச்சை தோ்வு செய்தது. தென்னாப்பிரிக்க இன்னிங்ஸில் தஸ்மின் பிரிட்ஸ் டக் அவுட்டாக, லாரா வோல்வாா்டட் - சுனே லஸ் கூட்டணி 2-ஆவது விக்கெட்டுக்கு 118 ரன்கள் சோ்த்தது.

லஸ் 8 பவுண்டரிகள், 2 சிக்ஸா்களுடன் 61 ரன்களுக்கு ஆட்டமிழக்க, பின்னா் வந்த ஆனிரி டொ்க்சென் 9 ரன்களுக்கு வீழ்ந்தாா். 5-ஆவது பேட்டா் மாரிஸேன் காப், வோல்வாா்டட்டுடன் கூட்டணி அமைக்க, 4-ஆவது விக்கெட்டுக்கு அவா்கள் பாா்ட்னா்ஷிப் 64 ரன்கள் சோ்த்து ஸ்கோரை பலப்படுத்தியது.

சதத்தை நெருங்கிய வோல்வாா்டட் 10 பவுண்டரிகள், 2 சிக்ஸா்கள் உள்பட 90 ரன்களுக்கு பெவிலியன் திரும்பினாா். அடுத்து, கராபோ மெசோ 0, கிளோ டிரையான் 3 பவுண்டரிகளுடன் 21 ரன்களுக்கு விக்கெட்டை இழந்தனா்.

நாடினே டி கிளொ்க் 3 பவுண்டரிகள், 4 சிக்ஸா்கள் உள்பட 41, நோன்டுமிசோ ஷாங்கேஸ் 0, நோன்குலுலேகோ லாபா 0 ரன்களுக்கு விடைபெற்றனா். ஓவா்கள் முடிவில் மாரிஸேன் காப் 6 பவுண்டரிகள், 3 சிக்ஸா்கள் உள்பட 68 ரன்களுடன் ஆட்டமிழக்காமல் இருந்தாா்.

பாகிஸ்தான் தரப்பில் சாதியா இக்பால், நஷ்ரா சாந்து ஆகியோா் தலா 3, ஃபாத்திமா சனா 1 விக்கெட் வீழ்த்தினா்.

பின்னா் பாகிஸ்தான் இன்னிங்ஸில் நடாலியா பா்வேஸ் 3 பவுண்டரிகளுடன் 20, முனீபா அலி 3, ஒமைமா சோஹைல் 6 ரன்களுக்கு ஆட்டமிழந்தனா்.

சிட்ரா அமின் 13, ஆலியா ரியாஸ் 3, கேப்டன் ஃபாத்திமா சனா 2, ரமீன் ஷமிம் 3 ரன்களுக்கு விடைபெற, ஓவா்கள் முடிவில் சிட்ரா நவாஸ் 2 பவுண்டரிகளுடன் 22 ரன்களுக்கு ஆட்டமிழக்காமல் இருந்தாா். தென்னாப்பிரிக்க பௌலிங்கில் மாரிஸேன் காப் 3, நோன்டுமிசோ ஷாங்கேஸ் 2, அயபோங்கா ககா 1 விக்கெட் வீழ்த்தினா்.