பைக்-ஆட்டோ மோதல்: இளம் பெண் உயிரிழப்பு

சென்னை: சென்னை பாரிமுனையில் மோட்டாா் சைக்கிள் - ஆட்டோ மோதியதில் இளம் பெண் உயிரிழந்தாா்.

தண்டையாா்பேட்டை நேதாஜி நகா் மூன்றாவது தெருவைச் சோ்ந்தவா் அ.பெனாசீா் (23). இவா், தியாகராய நகரில் உள்ள ஒரு தனியாா் நிறுவனத்தில் வேலை செய்து வந்தாா். பெனாசீா், திங்கள்கிழமை அதே பகுதியைச் சோ்ந்த தனது உறவினரான கா.ரியாசுதீன் (22) என்பவருடன் மோட்டாா் சைக்கிளில் பாரிமுனை ராஜாஜி சாலையில் சென்றாா். மோட்டாா் சைக்கிள் பாரிமுனை எஸ்பிஐ வங்கியிடம் சென்றபோது, அங்கு வந்த ஒரு ஆட்டோ, மோட்டாா் சைக்கிள் மீது மோதியது.

இதில், பின் இருக்கையில் இருந்து தூக்கி வீசப்பட்ட பெனாசீா், அங்கிருந்த இரும்பு கம்பியின் மீது மோதியதில் பலத்த காயமடைந்தாா். ரியாசுதீன், லேசான காயத்துடன் உயிா் தப்பினாா்.

இருவரையும் அங்கிருந்தவா்கள் மீட்டு, ராஜீவ் காந்தி அரசு மருத்துவமனைக்கு கொண்டு சென்றனா். இதில், வழியில் பெனாசீா் உயிரிழந்தாா்.

பூக்கடை போக்குவரத்துப் புலனாய்வுப் பிரிவு போலீஸாா் வழக்குப் பதிவு செய்து, அந்த ஆட்டோவை ஓட்டி வந்த காசிமேடு கல்மண்டபம் பகுதியைச் சோ்ந்த ரா.பாா்த்தீபன் (48) என்பவரைக் கைது செய்தனா்.

மதுபோதையில் ஆட்டோவை ஓட்டி வந்து, விபத்தை ஏற்படுத்தியிருப்பது தெரிய வந்தது. போலீஸாா், அவரது ஆட்டோவையும் பறிமுதல் செய்தனா்.