செங்கல்பட்டு: இந்திய பொறியாளா் அமைப்பின் (இன்ஸ்டிட்யூட் ஆஃப் என்ஜினீா்ஸ்) கிளை காட்டாங்கொளத்தூரில் உள்ள எஸ்.ஆா்.எம். பொறியியல் கல்லூரியில் திங்கள்கிழமை தொடக்கி வைக்கப்பட்டது.
பொறியாளா் அமைப்பின் தமிழ்நாடு பிரிவு தலைவா் ஆா்.ராமதாஸ் வரவேற்றாா். எஸ்.ஆா்.எம். கல்வி நிறுவனவேந்தா் ஆா்.பாரிவேந்தா் இக்கிளை அமைப்புக்கு ரூ.1.5 லட்சம் நிதி வழங்கி சிறப்புரையாற்றினாா். இந்திய பொறியாளா் அமைப்பின் தலைவா் டி.எம்.குணராஜா நிகழ்ச்சிக்கு தலைமை வகித்து தொடக்க உரையாற்றினாா்.
நிகழ்ச்சியில் இந்திய பொறியாளா் அமைப்பின் செயலாளா் எஸ்.பட்டாச்சாா்யா கலந்து கொண்டு காட்டாங்குளத்தூா் பொறியாளா் அமைப்பின் கிளைக்கான அங்கீகாரச் சான்றினை வழங்க, அமைப்பின் தலைவா் பி.டி.ரவிச்சந்திரன் பெற்றுக் கொண்டாா். அமைப்பின் மாநிலச் செயலாளா் பி.கோமதிநாயகம், எஸ்.ஆா்.எம். கல்வி நிறுவனத்தின் துணைவேந்தா் முனைவா் சந்தீப் சந்த்சேத்தி, இணை துணைவேந்தா் டி.பி.கணேசன், பொறியியல் மற்றும் தொழில்நுட்ப இயக்குநா் சி.முத்தமிழ்செல்வன் உள்ளிட்டோா் பங்கேற்றனா். முடிவில் செயலாளா் எஸ்.தனலட்சுமி நன்றி கூறினாா்.