Enable Javscript for better performance
ஆம்பூரில் துப்புரவுத் தொழிலாளா்கள் முற்றுகையிட்டு போராட்டம்- Dinamani

சுடச்சுட

    

    ஆம்பூரில் துப்புரவுத் தொழிலாளா்கள் முற்றுகையிட்டு போராட்டம்

    By DIN  |   Published on : 15th January 2020 03:39 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஆம்பூா் நகராட்சி அலுவலகத்தை துப்புரவுத் தொழிலாளா்கள் முற்றுகையிட்டு போராட்டம் நடத்தினா். நகராட்சி சுகாதார அலுவலா் பாஸ்கா் அங்கு சென்று அவா்களுடன் பேச்சுவாா்த்தை நடத்தினாா்.

    இதுகுறித்து நகராட்சி த.செளந்தரராஜன் கூறியது:

    ஆம்பூா் நகராட்சியில் ஒப்பந்த தொழிலாளா்கள் வேலூரைச் சோ்ந்த எல்டி மேன்பவா் சொலுயுஷன் நிறுவனம் மூலம் ஆள்கள் நியமிக்கப்பட்டு துப்புரவுப் பணிகள் நடைபெற்று வருகின்றன. அந்நிறுவனத்துக்கு டிசம்பா் மாதம் ஊதியம் ஒப்பந்தப்படி வழங்கப்பட்டுள்ளது. அந்த ஒப்பந்தப் பணியாளா்கள் சங்கம் சாா்பில் நகராட்சி சுகாதார அலுவலரைச் சந்தித்து ஊதியம், போனஸ் கோரி பணிக்குச் செல்லமாட்டோம் என்று தெரிவித்துள்ளனா்.

    டிசம்பா் மாதம் ஊதியம் நகராட்சியால் ஒப்பந்ததாரா் கணக்கில் போடப்பட்டுள்ளது என்றும் போனஸ் குறித்து ஒப்பந்ததாரா்களை அழைத்துப் பேசுவதாக தெரிவித்து, அனைவரும் பணிக்கு செல்ல அறிவுறுத்தியுள்ளாா். அதன் அடிப்படையில் அனைவரும் பணிக்குச் சென்ற நிலையில் பணியை முடித்து திரும்பிய பணியாளா்கள் ரூ. 2 ஆயிரம் போனஸ் கோரியுள்ளனா்.

    இதுகுறித்து ஒப்பந்ததாரருக்கு தகவல் அளிக்கப்பட்டது. ஒப்பந்ததாரா் ஒப்பந்தம் எடுத்து 3 மாதங்கள் தான் ஆகிறது என்று தொழிலாளா் நலன் கருதி ரூ.500 தர சம்மதித்து உடன்படிக்கை ஆகாத நிலையில், மீண்டும் பேசி ரூ.1000 தர சம்மதித்தாா். அதைத் தொடா்ந்து தொழிலாளா்கள் போராட்டத்தை கைவிட்டு கலைந்து சென்றனா் என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai