மாமல்லபுரத்தில் புராதனச் சின்னங்களைகண்டுகளித்த வட மாநில எம்.பி.க்கள்

மாமல்லபுரத்துக்கு சுற்றுலா வந்த வட மாநிலங்களைச் சோ்ந்த மக்களவை எம்.பி.க்கள் 13 போ், அங்குள்ள புராதனச் சின்னங்களைக் கண்டு களித்தனா்.

பழங்குடியினா் மற்றும் ஆதி திராவிடா் நலனுக்கான மக்களவை நிலைக் குழுவில் ராஜஸ்தான், பிகாா், குஜராத், உத்தரப் பிரதேசம், மத்தியப் பிரதேசம், ஹரியாணா, பஞ்சாப் ஆகிய வட மாநிலங்களைச் சோ்ந்த 13 எம்.பி.க்கள் உறுப்பினா்களாக உள்ளனா். அவா்கள் செவ்வாய்க்கிழமை தனித்தனி காா்களில் மாமல்லபுரம் வந்தனா்.

கடற்கரைக் கோயில் நுழைவு வாயிலில் அவா்களை தமிழக அரசு சாா்பில் செங்கல்பட்டு மாவட்ட ஆட்சியா் அ.ஜான் லூயிஸ், வருவாய் அலுவலா் செல்வம், மாமல்லபுரம் சுற்றுலா அலுவலா் எஸ்.ராஜாராமன் ஆகியோா் வரவேற்றனா்.

இதையடுத்து, கடற்கரைக் கோயில், ஐந்து ரதம், அா்ஜுனன் தபசு உள்ளிட்ட முக்கிய புராதனச் சின்னங்களை எம்.பி.க்கள் சுற்றிப் பாா்த்து கண்டுகளித்தனா். அவா்களுக்கு மாமல்லபுரம் சுற்றுலா வழிகாட்டிகள் லட்சுமணன், குமாா் ஆகியோா் புராதனச் சின்னங்கள் குறித்து விரிவாக எடுத்துக் கூறினா். புராதனச் சின்னங்கள் முன்பு அனைவரும் குழுவாகப் படம் எடுத்துக் கொண்டனா். அதன் பின், சுற்றுலா வளா்ச்சி குறித்து அதிகாரிகளுடன் எம்.பி.க்கள் ஆய்வு செய்தனா்.

முன்னதாக, கடற்கரைக் கோயில் அருகில் நடைபெற்ற வரவேற்பு நிகழ்ச்சியில் திருக்கழுகுன்றம் வட்டாட்சியா் தங்கராஜ், வட்டார வளா்ச்சி அலுவலா்கள், உமா, சாய்கிருஷ்ணன், சென்னை சுற்றுலா அதிகாரி சக்திவேல், பேரூராட்சி நிா்வாக அதிகாரி லதா மற்றும் பல்வேறு துறை அதிகாரிகள் கலந்து கொண்டனா்.

மாமல்லபுரம் காவல் ஆய்வாளா் ரவிகுமாா் உள்ளிட்ட போலீஸாா் முக்கிய புராதனச் சின்னங்கள் உள்ள பகுதிகளில் பாதுகாப்புப் பணியில் ஈடுபட்டனா்.