மதுராந்தகம்: மதுராந்தகம் அருகே நடிகை குஷ்பு சென்ற காா் மீது கன்டெய்னா் லாரி மோதிய விபத்தில் அவா் லேசான காயங்களுடன் உயிா் தப்பினாா்.
பாஜக பிரமுகரும், நடிகையுமான குஷ்பு, கட்சி நிகழ்ச்சியில் பங்கேற்க சென்னையில் இருந்து காா் மூலம் சிதம்பரம் நகருக்கு புதன்கிழமை சென்று கொண்டிருந்தாா். மதுராந்தகத்தை அடுத்த அய்யனாா்கோவில் பேருந்து நிறுத்தம் பகுதியில் சென்றபோது, முன்னால் சென்ற கன்டெய்னா் லாரியை முந்திச் செல்ல குஷ்புவின் காா் ஓட்டுநா் முற்பட்டாா். அப்போது காரின் இடது பக்க கதவு மீது கன்டெய்னா் லாரி மோதியதில், காா் பலத்த சேதம் அடைந்தது. இதில் காரின் உள்ளே அமா்ந்திருந்த நடிகை குஷ்புவுக்கு லேசான காயம் ஏற்பட்டது.
தகவல் அறிந்து சம்பவ இடத்துக்குச் சென்ற மதுராந்தகம் காவல் ஆய்வாளா் ர.ருக்மாங்தன் தலைமையிலான போலீஸாா், இது குறித்து விசாரணை நடத்தினா். பின்னா் வேறொரு காா் மூலம் குஷ்பு சிதம்பரத்துக்கு புறப்பட்டுச் சென்றாா்.
இந்த விபத்து தொடா்பாக கன்டெய்னா் லாரி ஓட்டுநா் அப்துல் ஹக்கீமை போலீஸாா் கைது செய்து விசாரித்து வருகின்றனா்.