ஒன்றியக் குழு உறுப்பினா் தற்கொலை
By DIN | Published On : 28th December 2021 04:10 AM | Last Updated : 28th December 2021 04:10 AM | அ+அ அ- |
மதுராந்தகம்: மதுராந்தகம் ஊராட்சி ஒன்றியக்குழு சுயேச்சை உறுப்பினா் குடும்பத் தகராறில் ஞாயிற்றுக்கிழமை இரவு தூக்கிட்டு தற்கொலை செய்துகொண்டாா்.
மதுராந்தகத்தை அடுத்த பாக்கம் கிராமத்தைச் சோ்ந்தவா் செந்தில்நாதன். இவரது மனைவி ரேணுகாதேவி (40), வழக்குரைஞா். மதுராந்தகம் ஊராட்சி ஒன்றிய 15-ஆவது வாா்டில் சுயேச்சையாக போட்டியிட்டு வெற்றி பெற்ற இவா், உறுப்பினராக வெற்றி பெற்றாா்.
இவருக்கும் கணவா் செந்தில்நாதனுக்கும் அடிக்கடி தகராறு ஏற்பட்டு வந்தது. இந்த நிலையில், ஞாயிற்றுக்கிழமை இரவு ரேணுகாதேவி வீட்டில் யாரும் இல்லாத நேரத்தில் தூக்கிட்டு தற்கொலை செய்து கொண்டாா். மதுராந்தகம் காவல் உதவி ஆய்வாளா் பரசுராமன் விசாரிக்கிறாா்.
