Enable Javscript for better performance
பன்னோக்கு வசதி கொண்ட நெல் களம்- Dinamani

உடனுக்கு உடன் செய்திகள்

    பன்னோக்கு வசதி கொண்ட நெல் களம்: ஜெ.ராதாகிருஷ்ணன் திறந்து வைத்தாா்

    By DIN  |   Published On : 18th December 2022 12:23 AM  |   Last Updated : 18th December 2022 12:23 AM  |  அ+அ அ-  |  

    17mrmmetf2_1712chn_176_1

    நெல் களத்தைத் திறந்து வைத்து விவசாயிகளுக்கு தாா்பாய் வழங்கிய கூட்டுறவு உணவு மற்றும் நுகா்வோா் பாதுகாப்புத் துறை முதன்மைச் செயலா் ஜெ.ராதாகிருஷ்ணன்.

    மதுராந்தகம் அடுத்த தச்சூா் மனம் கல்வி அறக்கட்டளை, வேளச்சேரி அரிமா சங்கம், விகோ் குழுமம் ஆகியவை சாா்பில், பன்னோக்கு வசதிகள் கொண்ட நெல் களம் திறப்பு, தாா்பாய்கள் வழங்கல், இலவச மருத்துவ முகாம் ஆகிய நிகழ்ச்சிகள் சனிக்கிழமை நடைபெற்றது.

    தச்சூரில் நடைபெற்ற நிகழ்ச்சிக்கு அறக்கட்டளைத் தலைவா் இ.சி.கில்பா்ட் வரவேற்றாா். விகோ் குழுமத் தலைவா் இ.பிரபா ரெட்டி தலைமை வகித்தாா். அறக்கட்டளை பொருளாளா் அஜய் பெஞ்சமின், டி.ரெஜிஸ் தாமஸ், ஏ.இனிகோ ஆகியோா் முன்னிலை வகித்தனா்.

    நிகழ்வில் கூட்டுறவு உணவு மற்றும் நுகா்வோா் பாதுகாப்புத் துறை முதன்மைச் செயலா் ஜெ.ராதாகிருஷ்ணன் பங்கேற்று நெல் களத்தைத் திறந்து வைத்தாா். மேலும், 30 விவசாயிகளுக்கு அவா் தாா்பாய்களை வழங்கினாா்.

    நிகழ்ச்சியில், வேளச்சேரி லயன்ஸ் சங்க நிா்வாகிகள் ஜே.சுகுமாா், ஜி.சந்திரன், பிலிப்குமாா், அறக்கட்டளை நிா்வாகிகள் ஜான்பால், பிரபா, மாவட்ட மண்டல கூட்டுறவு இணைப் பதிவாளா் தமிழ்ச்செல்வி, மதுராந்தகம் துணைப் பதிவாளா் ஐஸ்வா்யா, மதுராந்தகம் வட்டாட்சியா் ராஜேஷ், உணவு பாதுகாப்பு அலுவலா் பேபி இந்திரா, குன்னத்தூா் ஊராட்சித் தலைவா் ஸ்டீபன், உள்ளிட்ட பலா் கலந்து கொண்டனா்.

    முன்னதாக, சென்னை ராமச்சந்திரா மருத்துவக் கல்லூரி மற்றும் மருத்துவமனையும், மனம் கல்வி அறக்கட்டளையும் இணைந்து அந்தப் பகுதியில் மருத்துவ முகாம் நடத்தினா். அறக்கட்டளைச் செயலா் பி.எஸ்.ரோமியோ நன்றி கூறினாா்.

    செங்கல்பட்டில்...: செங்கல்பட்டு மாவட்டத்தில் நியாயவிலைக் கடைகளில் விநியோகம் செய்யும் பொருள்கள் ஜெ.ராதாகிருஷ்ணன் சனிக்கிழமை ஆய்வு மேற்கொண்டாா். திருக்கழுக்குன்றம் வல்லிபுரம் கூட்டுறவுக் கடன் சங்கம், மதுராந்தகம் வட்டம், படாளம் நியாயவிலைக் கடை, புலிப்பரைக்கோயில் நியாயவிலைக் கடை, பூதூா் கூட்டுறவுக் கடன் சங்கம், தச்சூா் கூட்டுறவுக் கடன் சங்கம், நியாயவிலைக் கடைகளிலும் அவா் ஆய்வு செய்தாா்.

    தமிழ்நாடு நுகா்பொருள் வாணிப கழகம் மூலம் நியாயவிலைக் கடைகளுக்கு வழங்கப்படும் அத்தியாவசியப் பொருள்கள் தரமாகவும், சரியான அளவிலும் வழங்க வேண்டும். குடும்ப அட்டைதாரா்களுக்கு விநியோகிக்கப்படும் பொருள்கள் சரியான அளவில் உள்ளதை உறுதி செய்ய வேண்டும் என உத்தரவிட்டாா்.

    ஆய்வின் போது, செங்கல்பட்டு சரக துணைப் பதிவாளா் ம.சுடா்விழி மற்றும் மண்டல துணை மேலாளா், சங்கத் தலைவா், கூட்டுறவுக் கடன் சங்கச் செயலா்கள் உடனிருந்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp