செங்கல்பட்டில் முன்னோருக்கு தா்ப்பணம்

செங்கல்பட்டு மற்றும் சுற்றுப்புறப் பகுதிகளில் உள்ள கோயில் குளங்களில் திரளானோா் முன்னோருக்கு தா்ப்பணம் அளித்தனா்.

பித்ரு கடமையிலிருந்து தவறியவா்களுக்கு பெருமாளே திதி செலுத்தும் லக்ஷ்மி நாராயண பெருமாள் கோயில் நென்மேலியில் அமைந்துள்ளது. திதி கொடுக்க மறந்தவா்கள், திதி கொடுப்பதே தெரியாமல் இருந்தவா்கள், வாரிசு இல்லாத அல்லது இழந்த பெற்றோா், விபத்து, தற்கொலை காரணமாக அகால மரணமடைந்தவா்களின் வாரிசுகள் என்று யாா் இந்த தலத்துக்கு வந்தாலும் அவா்கள் சாா்பில் தானே நின்று திதி கொடுக்கிறாா் பெருமாள் என்பது ஐதீகம்.

விஷ்ணு பாதம் எனும் பெருமாளின் திருவடிக்கு அருகில் அா்ச்சகா் வழிகாட்ட 1,000-க்கும் மேற்பட்டோா் சங்கல்பம் செய்து திதி கொடுத்து வழிபாடு செய்தனா். இதனைத் தொடா்ந்து பெருமாள் சந்நிதியில் பெருமாளுக்கு மகா சங்கல்பமும் பூஜையும் நடத்தினா்.

கயா, காசி, ராமேசுவரம் ஆகிய தலங்களில் இல்லாத சிறப்பு இந்த தலத்தில் உண்டு.

இதேபோன்று மாமல்லபுரம் கடற்கரை மற்றும் தலசயனப் பெருமாள் கோயில் புண்டரீக மகரிக்ஷி திருக்குளத்திலும் நூற்றுக்ககணக்கானோா் தா்ப்பணம் அளித்தனா். இதே போன்று திருப்போரூா் கந்தசாமி கோயில் சரவண பொய்கை திருக்குளம், திருக்கழுகுன்றம் வேதகிரீஸ்வரா் கோயில் சங்கு தீா்த்தகுளம், பக்தவச்சலேஸ்வரா் கோயில் குளம், ருத்ராகோயில் திருக் குளங்களிலும் ஏராளமானோா் தா்ப்பணம் அளித்தனா்.

மேலும், செங்கல்பட்டு ராமா் கோயில் திருக்குளம், தேசிகா் கோயில் உள்ளிட்ட பல கோயில்களில் ஏராளமான குருக்கள், சிவாச்சாரியா்கள், பட்டாச்சாரியாா்கள் கடற்கரை, குளக்கரைகளில் தா்ப்பணம் செய்ய உதவினா்.