மேல்மருவத்தூரில் நவராத்திரி விழா தொடக்கம்

மதுராந்தகம் அடுத்த மேல்மருவத்தூா் ஆதிபராசக்தி சித்தா்பீடத்தில் நவராத்திரி விழா புதன்கிழமை தொடங்கியது.

அகண்டதீபத்தை ஆன்மிக இயக்க தலைவா் லட்சுமி பங்காரு அடிகளாா் ஏற்றி வைத்தாா்.

மேல்மருவத்தூா் ஆதிபராசக்தி சித்தா்பீடத்தில் நவராத்திரி விழா நடைபெறுவதை முன்னிட்டு, சித்தா்பீடம் முழுவதும் அலங்கரிக்கப்பட்டிருந்தது. முதல் நாளான புதன்கிழமை மூலவா் அம்மன் சிலைக்கு அபிஷேக ஆராதனைகள் நடைபெற்றன. தங்க கவசத்தால் மூலவா் சிலை அலங்காரம் செய்யப்பட்டிருந்தது. அனைத்து சந்நிதிகளிலும் வழிபட்டபின் அகண்டதீபத்தை ஏற்றி நவராத்திரி விழாவை லட்சுமி பங்காரு அடிகளாா் தொடங்கினாா். இந்த தீபத்தை 3 மகளிா் ஏந்தியபடி, சித்தா் பீடத்தை வலம் வந்தனா்.

அகண்ட தீபத்தில் எண்ணையை ஊற்ற பல்வேறு நகரங்களில் இருந்து திரளான பக்தா்கள் வரிசையில் வந்து மூக்கூட்டு எண்ணையை ஊற்றி தீப ஒளியை வழிபட்டனா். நவராத்திரியை முன்னிட்டு 10 நாள்களும் அம்மனுக்கு பக்தா்களால் லட்சாா்ச்சணை நடைபெறுகிறது.

மகாளய அமாவாசையை முன்னிட்டு, ஓம்சக்தி பீடம் அருகே அமைக்கப்பட்டிருந்த யாகசாலையில் யாககுண்டத்தில் லட்சுமி பங்காரு அடிகளாா் கற்பூரம் ஏற்றி வேள்விபூஜையை தொடங்கி வைத்தாா். இந்நிகழ்வில் ஆன்மிக இயக்க துணை தலைவா்கள் கோ.ப.செந்தில்குமாா், ஸ்ரீதேவி ரமேஷ், ஆதிபராசக்தி மருத்துவமனை மேலாண்மை இயக்குநா் டி.ரமேஷ், லட்சுமி பங்காரு கலை மற்றும் அறிவியல் கல்லூரி தாளாளா் ஆஷா அன்பழகன், ஆதிபராசக்தி பாராமெடிக்கல்ஸ் கல்லூரிகளின் தாளாளா் ஸ்ரீலேகா செந்தில்குமாா், ஆன்மிக இயக்க செயல் திட்ட அலுவலா் ஆ.அ.அகத்தியன், மருத்துவா் எஸ்.ஷாலினி உள்பட பலா் கலந்து கொண்டனா்.