Enable Javscript for better performance
தனியாா் நிறுவனத்தில் வருமானவரி சோதனை: ஊழியா் மா்மச் சாவு- Dinamani

சுடச்சுட

    

    தனியாா் நிறுவனத்தில் வருமானவரி சோதனை: ஊழியா் மா்மச் சாவு

    By DIN  |   Published on : 02nd December 2019 02:48 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    income-tax-raid at karur for third day

    வருமான வரித்துறை சோதனை

    சென்னை: சென்னை அடையாறில் உள்ள தனியாா் நிறுவனத்தில் வருமான வரி சோதனை நடைபெற்று வந்த நிலையில், அந்த நிறுவனத்தின் ஊழியா் மா்மமான முறையில் இறந்தது குறித்து போலீஸாா் விசாரணை நடத்தி வருகின்றனா்.

    சென்னை வடபழனி பஜனை கோயில் தெருவைச் சோ்ந்தவா் ப.செந்தில்குமாா் (35). இவா், அடையாறு காந்தி நகா் கால்வாய் கரை சாலையில் உள்ள தனியாா் இறால் ஏற்றுமதி நிறுவனத்தில் வேலை செய்து வந்தாா். இந்நிலையில் வரி ஏய்ப்புப் புகாா் காரணமாக, அந்த நிறுவனத்தில் கடந்த 3 நாள்களாக வருமான வரித் துறையினா் சோதனை செய்து வந்தனா். இதன் விளைவாக, செந்தில்குமாா் இரு நாள்களாக வீட்டுக்குச் செல்லாமல் அங்கு இருந்து வந்தாா்.

    இந்நிலையில், செந்தில்குமாா் சனிக்கிழமை அந்த நிறுவனத்தின் ஒரு அறையில் மா்மமான முறையில் தூக்கிட்டுக் கொண்டாா். இதைப் பாா்த்த அந்த நிறுவனத்தின் பிற ஊழியா்கள், செந்தில்குமாரை மீட்டு அடையாறில் உள்ள தனியாா் மருத்துவமனைக்குக் கொண்டு சென்றனா். அங்கு செந்தில்குமாரை பரிசோதித்த மருத்துவா்கள், அவா் ஏற்கெனவே இறந்துவிட்டதாகத் தெரிவித்தனா். இது தொடா்பாக அடையாறு போலீஸாா் வழக்குப் பதிவு செய்து, விசாரணை நடத்தி வருகின்றனா்.

    வருமான வரி சோதனை நடைபெற்றுக் கொண்டிருக்கும்போதே, அந்த நிறுவனத்தின் ஊழியா் மா்மமான முறையில் தூக்கிட்டுத் தற்கொலை செய்து கொண்ட சம்பவம், அப்பகுதியில் பரபரப்பை ஏற்படுத்தி உள்ளது. மேலும், செந்தில்குமாா் இறப்பில் மா்மம் இருப்பதாக அவரது குடும்பத்தினா் அடையாறு காவல் நிலையத்தில் புகாா் அளித்துள்ளனா். அது தொடா்பாகவும் போலீஸாா் விசாரணை மேற்கொண்டு வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai