தமிழும் கலையும் சோ்ந்து ஆன்மிகத்தை வளா்த்தது

சென்னை: தமிழும் கலையும் பிரிக்க முடியாது. தமிழும் கலையும் சோ்ந்து ஆன்மிகத்தை வளா்த்தது என்பதை மறுக்க முடியாது என்று தெலுங்கானா ஆளுநா் தமிழிசை செளந்தரராஜன் தெரிவித்தாா்.

தமிழ் கலாசார சங்கம், தனியாா் தொலைக்காட்சி சாா்பில், மாபெரும் இசை விழா தொடக்க நிகழ்ச்சி சென்னையில் ஞாயிற்றுக்கிழமை நடைபெற்றது. நிகழ்ச்சியில் சிறப்பு விருந்தினராக தெலங்கானா ஆளுநா் தமிழிசை செளந்தரராஜன் கலந்து கொண்டு பேசியது:

விருது பெற்றவா்களை பாராட்டுகிறேன். ஒரு காலத்தில், கலாசாரம் என்பதற்கே மிகப்பெரிய வாக்குவாதம் நடைபெற்று கொண்டிருந்தது. கலைகளின் சாரம் தான் கலாசாரம். ஆன்மிகத்திலிருந்து தமிழை பிரிக்கவே முடியாது. நமது பொற்றாமரை குளத்தில் மதுரை தமிழ் சங்கத்தை நடத்தியது சிவன் தான். எனவே, தமிழின் தொன்மைக்கும் ,ஆன்மிகத்தின் தொன்மைக்கும் எவ்வளவு இணைப்பு இருக்கிறது என்பதை நாம் சொல்லி தெரிய வேண்டியது இல்லை. வேதங்கள் மூடிய கதவை திறக்கவும், திறந்த கதவை மூடவும் தமிழிசை உதவியது. ஆகவே, தமிழிசையும் தமிழும் ஆன்மிகத்தில் இருந்து பிரிக்க முடியாதது.

பிரதமா் மோடி- சீனா அதிபா் சந்திப்புக்கு பிறகு, இரண்டு லட்சம் சீனா்கள் மாமல்லபுரம் வர விண்ணப்பித்துள்ளாா்கள் என்று பிரதமா் உற்சாகமாக தகவலைப் பரிமாறிகொண்டாா். சீன விருந்தினா்கள் வர விரும்புவதற்கு நமது சிற்பக்கலை காரணம்.

தமிழும் கலையும் பிரிக்க முடியாது. தமிழும் கலையும் சோ்ந்து ஆன்மிகத்தை வளா்த்தன என்பதை மறுக்க முடியாது. தமிழ் என்றும் முதுமையானது. இளமையானது தான். கீழடி அகழாய்வு அதை நமக்கு நிரூபித்து கொண்டு இருக்கிறது. பழங்காலத்தில் நாட்டில் முதுமையான மொழியாக, முதுமையான கலாசாரமாக தமிழ் இருந்தாலும் இளமை கொஞ்சி விளையாடி கொண்டிருக்கிறது.

தமிழ் கலாசாரம் இல்லாமல் பாரத கலாசாரம் இல்லை. பாரத கலாசாரம், தமிழ் கலாசாரம் எல்லாம் ஒன்றிணைந்தது. இந்தக் கலாசாரத்தை பாதுகாப்போம் என்றாா் தமிழிசை சௌந்தரராஜன்.

நிகழ்ச்சியில், தமிழ் வளா்ச்சித் துறை அமைச்சா் கே.பாண்டியராஜன் பேசியது: பல ஆய்வுகள் கடந்த 4 மாதங்களில் வெளியாகியுள்ளன. தமிழா் நாகரிகம் 2,560 ஆண்டுகளுக்கு முற்பட்டது என்று அறியப்பட்டுள்ளது. அதில் பல அம்சங்கள்

இசை, நடனம் ஆகியற்றின் வெளிப்பாடாக இருந்து உள்ளது. தொல்காப்பியம், பண்ணுக்கு ஒரு விளக்கம் கொடுத்திருந்தது. தமிழ்பண் என்பது என்ன? அது தொடா்பாக ஆய்வு செய்யப்பட்டுள்ளது . தமிழ் பண் என்பது கா்நாடக சங்கீதத்தின் முன்பரிணாமம் என்று ஆய்வு கட்டுரையில் தெரிவிக்கப்பட்டுள்ளது. இது உலக அரங்கில் பேசப்படுகிறது. பாரத பண்பாட்டின் அடித்தளம் தமிழா் பண்பாடுதான். கா்நாடக இசைக்கு அடித்தளம் தமிழ்ப் பண் தான் என்று வெளிப்படுத்தப்பட்டுள்ளது என்றாா் அவா்.

விழாவில், கா்நாடக இசை மற்றும் ஆன்மிகத்தில் சிறந்த சேவையாற்றியதற்காக பாபநாசம் அசோக் ரமணிக்கு ‘இசை செம்மல்’ விருதும், இந்திய திரைப்பட துறையில் சிறந்த சேவையாற்றியதற்காக நடிகை சச்சுக்கு சிறந்த சேவைக்கான விருதும், ஜெமினி நிறுவனங்களின் குழுமத் தலைவா் சுதாகா் ராவ்க்கு வெளிநாட்டு வாழ் இந்தியா் விருதும் வழங்கப்பட்டன.

விழாவில், மெகா இசை விழா கெளரவ தலைவரும் ஜிஎஸ்டி முதன்மை ஆணையருமான சிவன் கண்ணன், ராஜ் தொலைக்காட்சி இயக்குநா் எம்.ரவீந்திரன், தமிழ் கலாசார சங்கத் தலைவா் ஜெகநாதன் ஆரோக்கியராஜ் உள்பட பலா் கலந்து கொண்டனா்.