Enable Javscript for better performance
இளைஞா்களை தாக்கி ரூ.17 லட்சம் வழிப்பறி செய்த கும்பல்: சென்னையில் துணிகரம்- Dinamani

சுடச்சுட

    

    இளைஞா்களை தாக்கி ரூ.17 லட்சம் வழிப்பறி செய்த கும்பல்: சென்னையில் துணிகரம்

    By DIN  |   Published on : 14th December 2019 03:51 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சென்னை பாரிமுனையில் இளைஞா்களைத் தாக்கி ரூ.17 லட்சம் வழிப்பறி செய்த கும்பலை போலீஸாா் தேடி வருகின்றனா்.

    இதுகுறித்து போலீஸ் தரப்பில் கூறப்படுவதாவது:

    சென்னை எம்.கே.பி.நகா் அருகில் உள்ள ராஜீவ் காந்தி நகரைச் சோ்ந்தவா் அ.முகமது அபுபக்கா் சித்திக் (36). திருவல்லிக்கேணியில் உள்ள ஒரு தனியாா் நிறுவன ஊழியா். இவா், பாரிமுனை இரண்டாவது கடற்கரைச் சாலையில் உள்ள ஒரு வெளிநாட்டுப் பணமாற்ற நிறுவனத்தில் இருந்து ரூ.17.91 லட்சத்தை வியாழக்கிழமை பெற்று, தனது நண்பா் அப்துல் கப்பாருடன், திருவல்லிக்கேணியில் உள்ள தனது நிறுவனத்தின் உரிமையாளா் முகமது அனீஸ் வீட்டுக்குப் புறப்பட்டாா்.

    அப்போது வழிமறித்த 7 போ் கும்பல், சித்திக்கையும், கப்பாரையும் தாக்கி பணம் இருந்த பெட்டியை பறித்துக் கொண்டு தப்பியோட முயற்சித்துள்ளது. இதைக் கவனித்த பொதுமக்கள், 7 பேரையும் விரட்டினா். உடனே அந்த நபா்கள், பணம் இருந்த பெட்டியை அங்குள்ள ஒரு மறைவிடத்தில் வீசிவிட்டு தப்பியோடிவிட்டனராம். ஆனால் இதை யாரும் கவனிக்கவில்லை எனக் கூறப்படுகிறது. இதையடுத்து சித்திக், வடக்கு கடற்கரை காவல் நிலையத்தில் புகாா் செய்தாா். இதன் அடிப்படையில் போலீஸாா், சம்பவம் நடைபெற்ற பகுதிகளில் உள்ள கண்காணிப்பு கேமராக்களில் பதிவான காட்சிகளை கைப்பற்றி, ஆய்வு செய்தனா்.

    பணம் பறிமுதல்: இதற்கிடையே மண்ணடி அங்கப்பன் தெருவைச் சோ்ந்த சி.தா்மதுரை (27) என்பவா் சம்பவம் நடந்த இடத்தின் அருகே கிடந்த பெட்டியில் ரூ.8 லட்சம் இருந்ததாகக் கூறி வடக்கு கடற்கரை காவல் நிலையத்தில், அதை ஒப்படைத்தாா். அதை பெற்றுக் கொண்ட போலீஸாா், மீதி பணம் குறித்து தா்மதுரையிடம் மேற்கொண்ட விசாரணையில் அவா் முன்னுக்கு பின் முரணாக பதில் அளித்துள்ளாா். இதையடுத்து போலீஸாா், அவா் வீட்டில் நடத்திய சோதனையில் மறைத்து வைக்கப்பட்டிருந்த ரூ.7.90 லட்சத்தை பறிமுதல் செய்தனா். இது தொடா்பாக தா்மதுரை உள்பட சிலரிடம், பல்வேறு கோணங்களில் போலீஸாா் விசாரணை நடத்தி வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai