பொன்னேரி கோட்டத்தில் நாளை மின்நுகர்வோர் குறைதீர் கூட்டம்

பொன்னேரி கோட்டத்தில் மின் நுகர்வோர் குறை தீர்க்கும் கூட்டம் வெள்ளிக்கிழமை நடைபெற உள்ளது.
இதுகுறித்து தமிழ்நாடு மின் உற்பத்தி மற்றும் பகிர்மானக் கழகம் வெளியிட்ட செய்திக்குறிப்பு: பொன்னேரி கோட்டத்துக்கான மின் நுகர்வோர் குறைதீர்க்கும் கூட்டமானது, பொன்னேரி 33/11 கி.வோ. துணைமின் நிலைய வளாகம், செயற்பொறியாளர்/இயக்கம் மற்றும் பராமரித்தல்/பொன்னேரி என்ற முகவரியில் வரும் வெள்ளிக்கிழமை (ஜூலை 12) காலை 10.30 மணி அளவில் நடைபெற உள்ளது. இந்தக் கூட்டத்தில், பொதுமக்கள் கலந்து கொண்டு தங்கள் குறைகளைத் தெரிவித்து  உரிய தீர்வுகளைப்  பெற்றுக் கொள்ளலாம் என அதில் தெரிவிக்கப்பட்டுள்ளது.