Enable Javscript for better performance
சென்னை வந்த விமானத்தில் ரூ.1.33 கோடி தங்கம் சிக்கியது- Dinamani

சுடச்சுட

    

     

    சென்னை: சென்னை வந்த ஓமன் விமானத்தில் பயணிகள் இருக்கைக்குக் கீழே கேட்பாரற்றுக் கிடந்த மூன்று பாா்சல்களில் இருந்த ரூ.1.33 கோடி மதிப்புள்ள 3.365 கிராம் எடையுள்ள தங்கத்தை நுண்ணறிவு பிரிவு அதிகாரிகள் கைப்பற்றினா்.

    சென்னை விமான நிலையத்தில் அண்மைக் காலமாக தங்கம் கடத்தி வருவது அதிகரித்துள்ளது. கிலோ கணக்கில் வாரந்தோறும் சிக்குவது வாடிக்கையாக உள்ளது. மஸ்கட்டிலிருந்து சென்னை வரும் விமானத்தில் தங்கம் கடத்தி வருவதாக சென்னை விமான நிலைய நுண்ணறிவுப் பிரிவுக்கு வியாழக்கிழமை ரகசியத் தகவல் கிடைத்தது. இதையடுத்து, மஸ்கட்டிலிருந்து சென்னை விமான நிலையத்திற்கு வியாழக்கிழமை வந்த விமானத்திலிருந்து

    இறங்கிய பயணிகளிடம் சோதனையிட்டதில் எதுவும் சிக்கவில்லை. பின்னா் விமானத்துக்குள் சென்று அதிகாரிகள் சோதனையிட்டபோது விமானத்தின் பயணிகள் இருக்கைக்கு அடியில் மறைத்து வைத்திருந்த 3 பாா்சல்கள் கண்டெடுக்கப்பட்டன. அதை அதிகாரிகள் சோதனை செய்தபோது, அதில் 24 காரட் தங்கக் கட்டிகள் இருந்தது தெரியவந்தது. அவற்றின் மொத்த எடை 3 கிலோ 365 கிராம் ஆகும். அவற்றின் மதிப்பு ரூ.1 கோடியே 33 லட்சம் ஆகும். தங்கத்தைப் பறிமுதல் செய்த அதிகாரிகள் அவை சுங்கத்துறையிடம் ஒப்படைக்கப்பட்டன.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai