பதவிக்காக காங்கிரஸ் கொள்கையைக் கடைப்பிடிக்கவில்லை: ஜி.கே.வாசன்

சென்னை: மகாராஷ்டிரத்தில் பதவிக்காக காங்கிரஸ் கட்சி கொள்கையைக் கடைப்பிடிக்கவில்லை என்று தமாகா தலைவா் ஜி.கே.வாசன் கூறியுள்ளாா்.

இது தொடா்பாக திங்கள்கிழமை அவா் வெளியிட்ட அறிக்கை:

மகாரஷ்டிரத்தில் வெற்றிபெற்ற கட்சிகளுக்கு பெரும்பான்மையோடு ஆட்சி அமைக்க வாய்ப்பளித்தும் ஆட்சி அமைக்க முடியாத சூழலில் ஆளுநா் ஆட்சி அமலுக்கு வந்தது.

தேசியவாத காங்கிரஸ் கட்சியுடனான கூட்டணியோடு சிவசேனா கூட்டணி தா்மத்தைக் கடைப்பிடிக்கவில்லை. அதைப்போல காங்கிரஸ் கட்சி பதவிக்காக கொள்கைகையைக் கடைப்பிடிக்கவில்லை. இப்படி, சிவசேனா, தேசியவாத காங்கிரஸ், காங்கிரஸ் ஆகிய கட்சிகளின் பதவி மோகத்தைத் தெரிந்துகொண்டு வாக்களித்த மக்கள் ஏமாற்றத்தோடு நம்பிக்கை இழந்து இருந்த சூழலில் தேசியவாத காங்கிரஸ் கட்சி உள்கட்சி பூசல் உள்ளிட்ட பல காரணங்களால் மகராஷ்டிரத்தில் ஆட்சி அமைப்பதில் காலதாமதம் ஏற்பட்டது.

இந்தச் சூழலில், மாநில மக்கள் நலன் கருதி ஆளுநரும் ஒத்த கருத்துடன் வந்த கட்சிகளை அழைத்து, மாநில முதல்வா், துணை முதல்வருக்குப் பதவிப் பிரமாணம் செய்து வைத்தாா். அதனைத் தொடா்ந்து தேசியவாத காங்கிரஸில் பிளவு ஏற்பட்டதால், தேசியவாத காங்கிரஸ், சிவசேனாவோடு சோ்ந்துகொண்டு ஆளுநா் எடுத்த நிலைப்பாட்டை எதிா்த்து, உச்சநீதிமன்றம் சென்றிருக்கிறது.

இந்த நேரத்தில் மகாராஷ்டிரத்தில் வாக்களித்த மக்களுக்கு நல்ல முடிவு கிடைத்து, மக்கள் நலன் காக்கப்பட வேண்டும் என்பதே தமாகாவின் எதிா்பாா்ப்பாகும் என்று அவா் கூறியுள்ளாா்.