Enable Javscript for better performance
காப்பீடுதாரா்களின் பணம் பாதுகாப்பாக உள்ளதுஎல்ஐசி விளக்கம்- Dinamani

சுடச்சுட

    

    காப்பீடுதாரா்களின் பணம் பாதுகாப்பாக உள்ளது: எல்ஐசி விளக்கம்

    By DIN  |   Published on : 11th October 2019 03:22 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    lic

    காப்பீடுதாரா்களின் பணம் பாதுகாப்பாக உள்ளது என சமூக வலைதளங்களில் பரவிய வதந்திக்கு எல்ஐசி விளக்கமளித்துள்ளது.

    இந்தியாவின் மிகப்பெரிய பொதுத்துறை நிறுவனமான எல்ஐசி கடும்நிதி நெருக்கடியில் இருப்பதாகவும், லட்சக்கணக்கான காப்பீடுதாரா்களின் பணம் பாதுகாப்பாக இல்லை என்றும் சமூக வலைதளங்களில் தகவல் பரவியது. இதற்கு எல்ஐசி நிறுவனம் மறுப்பு தெரிவித்துள்ளது.

    இதுகுறித்து அந்த நிறுவனம் சாா்பில் வெளியிடப்பட்டுள்ள அறிக்கை: எல்.ஐ.சி குறித்து சமூக வலைதளங்களில் பரவி வரும் செய்திகள் தவறானவை மட்டுமின்றி உறுதிப்படுத்தப்படாதவை. எங்கள் நிறுவனத்தின் மீது கெட்ட எண்ணத்தை விதைக்கும் நோக்கம் கொண்டவை மற்றும் எல்.ஐ.சி நிறுவனத்தினை பொதுமக்கள் மத்தியில் மோசமாக சித்திரிப்பதற்கான முயற்சிகள் ஆகும். எல்.ஐ.சி.யின் நிதி ஆதாரம் நன்றாக உள்ளது. நிதி நெருக்கடி எதுவும் இல்லை. லட்சக்கணக்கான காப்பீடுதாரா்களின் பணம் பாதுகாப்பாக உள்ளது. சமூக வலைதளங்களில் வெளியான வதந்தியை யாரும் நம்ப வேண்டாம்’. கடந்த 2018-2019-ஆம் நிதியாண்டில் எல்ஐசி நிறுவனம் தனது காப்பீடுதாரா்களுக்கு இதுவரை இல்லாத அளவுக்கு மிக அதிகமான ஊக்கத்தொகையாக ரூ.50 ஆயிரம் கோடிக்கு மேல் அறிவிக்கப்பட்டுள்ளது என அதில் குறிப்பிடப்பட்டுள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai